Video
Read full review
2022-12-19
3227 views
又到聖誕～又到聖誕🎄🎶每年聖誕節，好多酒店都會準備聖誕主題嘅自助餐😋呢個星期日係屋企人生日，難得之前公司又送咗酒店coupon🤓於是就揀咗九龍香格里拉大酒店食lunch buffet🥰一入到酒店已經好有聖誕氣氛🤩今年酒店用咗胡桃夾子做主題，感覺處身喺外國小鎮，仲有聖誕列車添🚂🎅🏻🦀國際海鮮自助午餐 $598 (4/5)沙律🥗除咗基本嘅自選沙律外，仲有四款特色沙律㗎！其中推薦嘅係藜麥沙律☺️撈埋佢自己調嘅醬汁後，食落去甜甜地，仲配有蝦仁🍤口感豐富😊冷盤🧀冷盤嘅選擇真心豐富！😍淨係ham都有五款🧡parma ham有鹹香，配上哈密瓜🍈好食！特別啲嘅有紅菜頭三文魚、鴨肝同吞拿魚他他🥰紅菜頭三文魚味道比較淡，鴨肝入口即溶🤤吞拿魚他他係用酒杯🍸裝住😯裡面個Base係酸甜嘅啫喱，好似青蘋果味(?)🤣上面一小舊吞拿魚，幾得意😗芝士有四款，仲有我最愛嘅Brie Cheese🧀🤩酒店仲提供咗四款麵包🍞俾大家點㗎😌海鮮🦞每位自助餐嘅顧客手上都會有一塊籌碼，可以拎去換一隻龍蝦🦞😍超大隻啖啖肉，都幾鮮甜☺️佢仲要連蝦腳都拆埋俾你，唔使自己慢慢剪，好貼心！除此之外，仲有小龍蝦、鮮蝦🦐、青口、同大家最愛嘅生蠔😂係職員
🦀國際海鮮自助午餐 $598 (4/5)
沙律🥗
除咗基本嘅自選沙律外，仲有四款特色沙律㗎！其中推薦嘅係藜麥沙律☺️撈埋佢自己調嘅醬汁後，食落去甜甜地，仲配有蝦仁🍤口感豐富😊
冷盤🧀
冷盤嘅選擇真心豐富！😍淨係ham都有五款🧡parma ham有鹹香，配上哈密瓜🍈好食！特別啲嘅有紅菜頭三文魚、鴨肝同吞拿魚他他🥰紅菜頭三文魚味道比較淡，鴨肝入口即溶🤤吞拿魚他他係用酒杯🍸裝住😯裡面個Base係酸甜嘅啫喱，好似青蘋果味(?)🤣上面一小舊吞拿魚，幾得意😗芝士有四款，仲有我最愛嘅Brie Cheese🧀🤩酒店仲提供咗四款麵包🍞俾大家點㗎😌
海鮮🦞
每位自助餐嘅顧客手上都會有一塊籌碼，可以拎去換一隻龍蝦🦞😍超大隻啖啖肉，都幾鮮甜☺️佢仲要連蝦腳都拆埋俾你，唔使自己慢慢剪，好貼心！除此之外，仲有小龍蝦、鮮蝦🦐、青口、同大家最愛嘅生蠔😂係職員即場洗同開俾食客㗎😊不過屋企人都話生濠比較細隻，唔夠肥美😗
刺身壽司🍣
刺身有五款，包括馬刀貝、希靈魚、八爪魚🐙、三文魚同吞拿魚，味道正常，都算新鮮嘅😗隔離仲擺咗各款壽司、冷麵同日式前菜😉
涼拌小食
食熱葷之前，隔離仲有啲中式涼拌小食～好似手拍青瓜、炒雜菌、涼拌雲耳同麻醬豆腐🤤
各款熱葷🥘
食完前菜🤣係時候食返啲熱野！西式嘅有必食嘅燒牛肉🥩、羊架同烤火雞🍗燒牛肉有驚喜喎🤓有肉味得嚟又唔韌！羊架呈五成熟，肥美得嚟又唔會好羶😋不過烤火雞就有啲鞋😂特別嘅係竟然有黑松露Egg Benedict😍不過就冇乜黑松露味🤫隔離仲有粟米忌廉湯、紅酒燉牛肉、葡國雞同燴龍脷柳，紅酒燉牛肉高質！燜到好淋，而且好有牛味🥰除此之外，現場仲有廚師即場製作意粉同龍蝦奄列🦀
中式方面最受歡迎就係中式燉湯😌每次一出就俾人掃晒😛佢出咗兩輪，有海底椰雪耳湯同響螺湯，兩款都味道好濃郁好吹料，必試🤩燒味部就有燒鵝同紅腸，JanJan好彩仲夾到燒鵝髀🤤
泰式就有幾款泰式沙律🥗例如柚子大蝦沙律同青瓜沙律，酸酸辣辣☺️隔離仲有馬來雞肉同炒辣蝦🥘馬來雞肉係大大舊嘅炸雞☺️辣辣地又幾嫩😗然後仲有印度corner🇮🇳有兩位印度廚師好熱情咁叫我試佢哋嘅自家製印度薄餅🤣見到佢落超多芝士，捲到好似蛋餅咁俾你😋外皮好脆，食落啖啖芝士，仲會拉絲！🥰當然仲有各款咖喱🍛亦都有幾款薄餅俾大家點咖喱食🤓
最後就係甜品啦😍甜品多款到令人眼花撩亂😝除咗各款迷你蛋糕🍰外，仲有古早味蛋糕、麵包布甸、Tiramisu、奶凍同蘋果雪耳糖水☺️最令我驚艷嘅係佢個焦糖燉蛋😍超好味！😍好香焦糖味，個蛋又好滑☺️我哋都encore咗好幾round😍雪糕係Haagen-daz🥰有比利時朱古力、雲呢拿、紅桑子、夏威夷果仁同咖啡味😚呀！仲有榴連味🤣🤣可能驚大味，所以係獨立包裝的🤣打開係榴連雪糕球，又幾smooth幾滑喎😗
Overall嚟講呢間酒店嘅自助餐都算高質☺️好滿意☺️不過佢飲品就冇得任添嘅，每枱都有樽水，同埋每位只包一杯餐飲～聖誕節嚟講都係一個幾好嘅選擇😋
加一服務費：✅
回頭率：❤️❤️❤️❤️ (5個❤️為滿分)
📍地址：Café Kool (尖沙咀)
尖沙咀麼地道64號九龍香格里拉大酒店閣樓
Post
