太子餐廳

Open Now

Now Closed

想不到以普通的價錢可以得到酒店式的服務，侍應姐姐殷勤得來不會令人覺得煩，幫你收碟前會問清楚你仲要不要，當問你點餐茶甜品時又不會令你覺得趕人走，真的很不錯。點了兩個餐，食物方面幾好，但又不能算很好食。餐湯一流，首先是夠熱，雖然好簡單，但很多餐廳都未必做得到或者夠細心去做到，其次是味道夠濃，不會水汪汪，不論是羅宋湯或忌廉湯都香濃美味，餐飽是普通的款式但勝在大大個。前菜的什菌鵝肝盞好好味，脆皮配上個什菌汁超正，不過就吃不到鵝肝味。牛扒幾好味，叫六成熟就真是六成熟，肉味香濃嫩滑，亦不會太韌或太淋。不過鱸魚就麻麻地，肉煮得比較散，但個忌廉汁就幾好。我點的是雜錦餐，不記得名字，有焗蠔：最好食；焗蟹蓋：不錯；火腿青瓜卷：太咸；煙三文魚：幾鮮味好食；蟹子蝦：爽口有蝦味，不錯；鵝肝：麻麻地，鵝肝味不夠濃。甜品方面朱古力雪糕幾得意幾特別，但份量比較少，係連個雪糕筒上的，可能我見識少，第一次見；香蕉布甸：超級正，布甸上一層薄薄的青檸者喱，味道清新香甜，下面的香蕉布甸香滑味美，甜而不膩，兩種味道配合得天衣無縫，非常值得推介，好好味！環境幾好，有窗口位，又有分吸煙區，燈光少少暗，夠氣氛，但亦適合一家大少聚餐。衛