Video
Read full review
2008-09-16
9 views
好耐無黎過食野，記得之前(起碼一年前)黎過，野食普通叫做過得去。今次去到睇餐牌，一份越式粉/撈檬加熱飲只不過$30蚊，都叫經濟實惠，點知上到去，格局同之前黎果陣完全唔同，一般港式茶記款，唔講唔知係越南餐廳，一睇餐牌，寫住乜乜海鮮酒家集團，就知咩事，唔怪得個個waiter都係酒樓部長既feel。更加唔似越南餐廳既原因係，餐牌入面越南野食唔算多，但鐵板扒餐則隨處可見，更有南乳雞，小炒王供應，如果想食正宗越南菜，未免失望而回。叫了一個豬頸肉撈檬及生牛河，飲品一般茶記水準，生牛河份量頗足，無論牛肉同河粉均能滿足一般食量之人，可惜牛肉太厚且鞋而無肉味，湯底太清令河粉更覺淡口。至於撈檬，酸甜汁既味道唔夠，落多多都係唔夠開胃，豬頸肉普通。餐廳環境衛生一般，檯底好似有小昆蟲咬咁，即使係卡位，我地都無坐得好耐，至於附送既茶水，只有茶色而無茶味，味道怪怪的，都係用來洗野算啦...如果不求味道，不計環境，都ok既，但$30蚊，附近地區應有更好選擇
今次去到睇餐牌，一份越式粉/撈檬加熱飲只不過$30蚊，都叫經濟實惠，點知上到去，格局同之前黎果陣完全唔同，一般港式茶記款，唔講唔知係越南餐廳，一睇餐牌，寫住乜乜海鮮酒家集團，就知咩事，唔怪得個個waiter都係酒樓部長既feel。
更加唔似越南餐廳既原因係，餐牌入面越南野食唔算多，但鐵板扒餐則隨處可見，更有南乳雞，小炒王供應，如果想食正宗越南菜，未免失望而回。
叫了一個豬頸肉撈檬及生牛河，飲品一般茶記水準，生牛河份量頗足，無論牛肉同河粉均能滿足一般食量之人，可惜牛肉太厚且鞋而無肉味，湯底太清令河粉更覺淡口。至於撈檬，酸甜汁既味道唔夠，落多多都係唔夠開胃，豬頸肉普通。餐廳環境衛生一般，檯底好似有小昆蟲咬咁，即使係卡位，我地都無坐得好耐，至於附送既茶水，只有茶色而無茶味，味道怪怪的，都係用來洗野算啦...
如果不求味道，不計環境，都ok既，但$30蚊，附近地區應有更好選擇
Post