本家韓國料理

Open Now

Now Closed

之前已經聽過好多人推介呢間嘅醬油蟹，因為之前都未試過食醬油蟹，就同frd一齊去試下呢間。呢間餐廳出名難book位，我好好彩咁打咗5次電話就book到，建議大家簡喺平日非繁忙時間先打電話，咁就會容易打得通俾間餐廳。一坐低叫完野食，阿朱媽就即刻上韓式小菜，除咗泡菜之外，其他都無得再額外免費加添。 1.醬油蟹之前一直驚食完醬油蟹之後會肚痌，不過玻璃腸嘅我食完又無事。呢間醬油蟹嘅價錢雖然都幾貴，不過佢每隻蟹嘅size都超大隻，肉同膏都超多，基本上四個人食一碟都已經好夠。呢到嘅服務都唔錯，阿豬媽會幫手將醬油蟹拆殼撈紫菜飯，再將飯分好放落蟹蓋，食完之後都好想繼續再食，不過我個人覺得呢到嘅醬油蟹偏重醬油味大於蟹味，但可接受嘅。 2.燒肉套餐除咗醬油蟹，我地仲叫咗個燒肉套餐，包豆腐湯、豬腩肉同牛排骨，味道都無咩特別，唯一比較好就係會有阿朱媽幫手燒肉，唔洗自己落手燒; 豆腐湯嘅味道好有趣，飲落似小辣嘅羅宋湯。下次再黎，我諗我應該只會叫醬油蟹或者試下燒鰻魚。