新沙洞大排檔 (好順景大廈1座) (Closed)

難得出嚟元朗，同個客去食完lunch之後，會合元朗朋友去形點行一陣街，到晚餐時間，朋友就話附近有一間韓式餐廳，醬油蟹超級好味，搞到成日掛住家鄉韓國的我，即刻叫佢帶我去啦。新沙洞大排檔的裝修，跟韓國嘅大排檔一樣，搶眼嘅紅藍橙色設計，仲有韓國大排檔最常用嘅霓虹燈，配埋韓國K-pop歌，影相打卡都非常正，啱晒同我一樣鍾意韓風嘅人。✨今次選咗以下食品✨🌟醬油醬油蟹拼蝦配麻油紫菜飯今次嚟新沙洞，就係為咗想食佢，王牌嘅醬油蟹拼蝦，醬油蟹嘅蟹膏超級多味道又鮮甜，醬油蝦都好新鮮蝦肉好爽口，味道同韓國嘅有得揮，配埋佢哋嘅紫菜拌飯一齊食，非常滿足🥰🌟鐵板燒韓式鰻魚配烤紫菜鰻魚肉質好新鮮，而且都好厚身，用鐵板燒香後，鰻魚唔會覺得腥，再點佢哋秘製嘅韓式汁嚟食，包紫菜一齊食都一樣好味👍🌟韓式蟹膏蟹肉拌飯包括蟹籽、紫菜，蟹膏同蟹肉，將蛋黃同所有材料拌勻後食，每一啖都充滿蟹籽紫菜同蟹肉，又充滿着蟹膏嘅鮮味水藍🌟韓式水冷麵 表面鋪滿蟹肉同新鮮蔬菜，可以混合醋一齊食，當食完燒鰻魚同醬油蟹後，再食返碗水冷麵，心曠神怡💓