樂林小鍋米線 (Closed)

夜媽媽喺港島區搵野食，咁啱見到呢間米線舖，見佢冇乜人就入去試下啦。佢同好多米線舖一樣，有張紙畀你自己圈想食啲乜嘢。.🍜四餸酸辣小鍋米線.以份量嚟講碗米線都幾大碗， 佢啲餸嘅份量都好多，一啲都唔孤寒。米線食落去嘅口感係好軟熟，有少少彈牙嘅感覺。呢度個豬大腸都煮得好冧，唔會好似有啲舖頭煮到成舊香口膠咁咬極都唔爛。 不過個酸菜對我嚟講就酸過頭，而且佢酸菜嘅份量都幾多，我諗佢會比較適合一啲好鍾意食酸嘢嘅人。.初初以為冇乜人黎食，點知食下食下成間舖就坐滿人， 所以真係睇你好唔好彩啦。