Video
Read full review
2016-10-23
6949 views
繼半年前食過烤魚之後，母親大人食過返尋味，叫我帶佢再試下其他款既烤魚，我又上全能既Openrice大神睇到旺角西洋菜街有間上想既汀汀活烤魚，book定位去食。去到餐廳所在既大廈，排晒長龍搭lift，上面都幾多食肆，排左10分鐘左右先入到lift。一出lift口已經聞到超濃烈既麻辣香味，入左去都未算滿，我地揀左個梳化位坐底，因為遲幾日就要去全家燒野食，我地就叫左個唔辣既烤魚，無咁熱氣，再叫d麻辣小食過下口癮。烤魽魚(全條) $248烤魚方面有3款揀，多寶魚，桂花魚同魽魚，因為我唔係好識食魚骨，所以揀左比較少骨既魽魚。湯底無論辣定唔辣都有好多選擇，之前係上海食過酸菜都幾正，所以今次推介媽媽試下。上台時見到魚身已經大致上分開左肉同骨，仲搽滿胡椒籽然等等既調味料，上面仲有好多我最愛既清熱芫茜😍煲10分鐘就可以食啦，魚肉好滑好入味，而且真係無骨，我最中意就係連湯一齊食，酸湯令魚肉顯得更加甜，壓一壓就一絲絲咁分開，非常滑溜，酸菜亦夠份量，咬落爽脆，酸得黎開胃又帶d甜味。涼拌萵荀 $32萵荀好清甜，個汁似炸醬既味道，酸酸甜甜，睇落似辣但其實一d都唔辣，但就比較油左d，減左小小分。口水雞 $4242蚊
去到餐廳所在既大廈，排晒長龍搭lift，上面都幾多食肆，排左10分鐘左右先入到lift。
一出lift口已經聞到超濃烈既麻辣香味，入左去都未算滿，我地揀左個梳化位坐底，因為遲幾日就要去全家燒野食，我地就叫左個唔辣既烤魚，無咁熱氣，再叫d麻辣小食過下口癮。烤魽魚(全條) $248
烤魚方面有3款揀，多寶魚，桂花魚同魽魚，因為我唔係好識食魚骨，所以揀左比較少骨既魽魚。湯底無論辣定唔辣都有好多選擇，之前係上海食過酸菜都幾正，所以今次推介媽媽試下。上台時見到魚身已經大致上分開左肉同骨，仲搽滿胡椒籽然等等既調味料，上面仲有好多我最愛既清熱芫茜😍煲10分鐘就可以食啦，魚肉好滑好入味，而且真係無骨，我最中意就係連湯一齊食，酸湯令魚肉顯得更加甜，壓一壓就一絲絲咁分開，非常滑溜，酸菜亦夠份量，咬落爽脆，酸得黎開胃又帶d甜味。
涼拌萵荀 $32
萵荀好清甜，個汁似炸醬既味道，酸酸甜甜，睇落似辣但其實一d都唔辣，但就比較油左d，減左小小分。口水雞 $42
42蚊黎講真係幾大碟，調味一d都唔吝嗇，比預期中無咁麻辣，食幾舊都唔洗飲水，雞皮都幾簿，感覺唔肥膩。椒鹽一口豆腐 $42
呢個餸好好食又好抵食，首先面頭有好多馬拉盞，好香，已經令人胃口大增，炸得又香又脆，豆腐炸漿好夠薄，入面既豆腐滑到山水豆腐咁，同出面既炸漿係2種層次，但2者又痴得好好無話分開左咁，炸得好成功👍🏻2人食左470蚊，全條烤魚加3個份量唔少既小菜，抵！
Post
