廚十三老壇酸菜魚 (太子集團中心) (Closed)

而家疫情咁嚴重，但係我同男朋友又想食酸菜魚，於是就決定試吓廚13叫外賣，因為佢外賣仲有額外八八折，非常抵！我哋嗌左個酸菜魚二人套餐，走辣。大家可以喺圖片度見到，雖然係走辣，但係黑椒胡椒嗰啲都係保留到。所以非常適合一啲唔係太食得辣，但係又想試吓小小麻嘅風味😆另外我哋仲加咗土豆片同金針菇。另外叫左個酥炸無面男😆好香口，送麵食一流！食川菜點可以冇皮蛋！呢度嘅皮蛋好軟好鮮🐣總結就係，如果大家上嚟食，就要預早book定位，因為我哋等緊外賣嘅時候，其實出面都大排長龍。