Ben哥米線

Open Now

Now Closed

真實自費食評相信Ben哥既藥膳麻辣湯底係最signature，但今次反而試下其他，因為本身對藥膳有少少抗拒。今次點左中酸辣蕃茄米線加豬腸同墨魚頭估唔到好多蕃茄喺個湯底到，豬腸都好大件唔會碎濕濕，墨魚頭我覺得都係必點，因為呢到既墨魚頭大粒得黎都爽口。朋友就點左芫茜菠菜五穀米線加雞肉同蘿蔔碗米線一黎到就見到海量既綠色芫茜同菠菜喺面，芫茜又可以抗氧化，菠菜又可以防眼睛衰老，個湯底係非常清甜，朋友都大讚，而且最好既地方係可以揀五穀米線，會比較健康。 仲點左小食藤椒魚皮 $42份量一啲都唔少，最緊要係啲魚皮非常爽口，藤椒味好出。如果喺美孚新邨既食店黎講，Ben哥米線算一個唔錯既選擇，喺附近住但突然又想食米線都可以止一止癮。