Video
Read full review
2017-11-11
2607 views
返工做到暈下暈下，放工突然想烚下烚下。於是搵埋老友去呢間醉翁亭火鍋。佢位於觀塘黃金地段的鱷魚恤中心，觀塘地鐵站經 APM 過去都唔使三分鐘，超方便。一出𨋢就見到侍應姐姐，佢好 warm 咁介紹有咩食同埋收費 。原來係無限時任飲任食，另外每枱按人數送刺身拼盤、海鮮船同鮑魚。聽落都唔錯，人少都係任食好，可以每款試下。帶位姐姐安排我地坐大卡位，嘩！超大張超舒服，兩個人真係點坐都得 ，完全唔會迫。香港寸金尺土，食慣啲碟大枱細嘅餐廳。見到呢個卡位，真係未食先感動。等食之時，阿姐話外面有自助飲品同小食，好，一於去昅昅。自助小食有鳯爪，青瓜，木耳等等，每款夾少少先藥膳雞腳好香藥材味，雞腳好淋好入味。食完即刻feel 到好補，頭痛冇曬 ！ 而飲品選擇比較少，大多都係紙包類。如果飲啤酒要另外加錢。湯底到，我地叫左鴛鴦鍋，一邊係芫茜皮蛋湯 ，下火嘅呢 ; 另一邊係沙爹湯，好香花生味。食材陸續登場，二人份的海鮮船有大蟶子，大蜆，鱔片，青囗，魷魚同生猛海蝦。蟶子好大隻，仲長過手板架，玩左佢一陣先捨得食，好肉又鮮味，大滿足。蜆都好大隻，好甜又冇沙，好肯定係即開即食，因我而死的。之後嚟係刺身拼盤，有三文魚，希靈魚
一出𨋢就見到侍應姐姐，佢好 warm 咁介紹有咩食同埋收費 。原來係無限時任飲任食，另外每枱按人數送刺身拼盤、海鮮船同鮑魚。聽落都唔錯，人少都係任食好，可以每款試下。
帶位姐姐安排我地坐大卡位，嘩！超大張超舒服，兩個人真係點坐都得 ，完全唔會迫。香港寸金尺土，食慣啲碟大枱細嘅餐廳。見到呢個卡位，真係未食先感動。
等食之時，阿姐話外面有自助飲品同小食，好，一於去昅昅。
自助小食有鳯爪，青瓜，木耳等等，每款夾少少先
藥膳雞腳好香藥材味，雞腳好淋好入味。食完即刻feel 到好補，頭痛冇曬 ！
藥膳雞腳
56 views
0 likes
0 comments
41 views
0 likes
0 comments
而飲品選擇比較少，大多都係紙包類。如果飲啤酒要另外加錢。
湯底到，我地叫左鴛鴦鍋，一邊係芫茜皮蛋湯 ，下火嘅呢 ; 另一邊係沙爹湯，好香花生味。
食材陸續登場，二人份的海鮮船有大蟶子，大蜆，鱔片，青囗，魷魚同生猛海蝦。
海鮮船
38 views
0 likes
0 comments
蟶子好大隻，仲長過手板架，玩左佢一陣先捨得食，好肉又鮮味，大滿足。
大蟶子
44 views
0 likes
0 comments
蜆都好大隻，好甜又冇沙，好肯定係即開即食，因我而死的。
大蜆
34 views
0 likes
0 comments
之後嚟係刺身拼盤，有三文魚，希靈魚，魷魚同北寄貝。魷魚刺身好得，入口即溶，溶得嚟又有咬口，有咬口得來仲有好多油脂唔識形容，總之令人回味無窮。
刺身拼盤
30 views
0 likes
0 comments
再黎就係主角 ～～極級牛頸脊 ～～大理石紋呀！
牛頸脊
40 views
0 likes
0 comments
牛頸脊應該係項背之間嘅肉。脂肪分佈密集又平均，淥一淥已經食得，又淋又滑又重牛味，最啱用來打邊爐。一碟兩個人食其實份量好足，食下食下就好快冇曬，實在太正了！
牛頸脊
36 views
0 likes
0 comments
牛頸脊
29 views
0 likes
0 comments
每位送一隻至尊水餃皇，皮薄料足，原隻蝦做饀，好爽呀！
至尊水餃
37 views
0 likes
0 comments
每位再加送蠔皇鮑魚一隻，鮑魚同冬菇都炆得好入味，如果大隻啲就好啦。
蠔皇炆鮑魚
32 views
0 likes
0 comments
我地仲叫左其他火鍋配料，有羊肉、脆鯇、蝦滑、響鈴同菜。我鍾意佢細細碟，唔使食唔曬咁嘥。其中要讚下個羊肉，有羊味得來又唔羶，喜歡食羊人仕一定要試試。
無論環境、食品同服務都好 ok, 我會再encore 同推介比朋友。但是如果可以有水果同少少甜品呢，咁就有一個完美句號啦
Post
