師傅仔 (好順景大廈)

Open Now

Now Closed

今日約咗朋友入元朗行街，路過一間精品文具店執笠清貨，無所收獲，走咗去附近師傅仔食個午餐。茶記裝潢，內裡有卡座，戶外也有幾張枱。由落單到送餐唔洗五分鐘，好有效率！今次叫咗精選麵餐，煎蛋湯螺絲粉配醉雞中翼，盛惠$40。煎蛋係全熟荷包蛋，如可以轉太陽蛋就更好，整體來說不過不失啦。醉雞中翼好入味，雞翼正常size，冇雪味，夏天當冷盤食都唔錯！奶茶味道香濃滑溜，用黑白奶，高水準👍🏻順帶一提，建議大家11:30前落單，套餐只收$35，更抵食。