醉翁燒鳥 (Closed)

買完花覺得有啲肚餓，見到呢間餐廳轉左招牌，好奇驅使我入去試吓。俾佢個醉翁便當吸引咗，因為咩都有啲（刺身🍣，天婦羅🍤鰻魚飯🍱，麵豉湯…）賣相好豐富、好吸引，望落去幾新鮮，點知食落去都係好新鮮！三文魚，帶子，甜蝦非常鮮甜；天婦羅熱辣辣好香脆，鰻魚飯望落去細細地，但係其實食晒都好飽。連個麵豉湯都材料十足，覺得好有心思。整體來講，新店舖嚟講食物質素都算幾好，環境舒服私隱度高，會想試埋佢嘅晚市，仲可以瘋狂飲酒。