醉雞火鍋店

Open Now

Now Closed

今晚同朋友打邊爐。太和大埔呢頭，唔打邊爐都唔覺有咁多專打邊爐既餐廳。今晚就食間醉雞火鍋。朋友黎到先，我到果陣個鍋已經黎左，鍋底係好香甜既醉雞湯。點左出名既手切牛。一上枱就知同平時既急凍牛係兩樣野。牛肉顏色鮮紅，而且睇落閃令令咁，好新鮮既感覺。食落都係鮮嫩，而且牛味濃郁，完全冇雪味，果然貴得有理由。醉雞煲湯底都幾濃，味道偏甜，酒味唔算好勁，但都有酒香。雞肉都嫩滑，份量都還好，我地六個人都夠分。六個人火鍋料當然叫左唔少，墨魚滑、響鈴、餃子、丸類等等。但除左火鍋料，佢地仲有唔少川味小食。我地叫左皮蛋同青瓜，味道都唔錯。食物選擇多，成餐感覺都豐富左。