Sage & Salt

Open Now

Now Closed

太古坊變身都市綠洲，嗰邊開咗好多餐廳，我揀咗間有戶外座位的餐廳食飯。🌱馬來柚子沙律配蝦柚子微脆清甜冇苦味，加入多種沙律菜如生菜、蕃茄、青黃椒，最特別係有薄荷葉，薄荷葉的香味浸入柚子後，味道清涼又清新。而醬汁又會有啲辣令人胃口大增。蝦隻半生熟肉質彈牙鮮甜，超好食。🌱魷魚配蒜香西蘭花西蘭花煮得爽腍，蒜蓉汁香濃，西蘭花清甜掛汁，魷魚口感較韌，但配上蒜汁味道不錯。🌱青咖哩雞炒意大利飯呢個必食，賣相唔討好又平凡。意大利飯煮得軟中帶硬，質地帶點咬口，細嚼下會有啲芝士香和甜味，青咖哩香甜得㴝帶少許辣味，雞肉彈牙冇雪味。🌱泰式小排骨廚師燒小排骨燒得很焦香，肉味濃郁，加點醬汁食有泰式風味。我坐餐廳裏面嘆冷氣，飲椰青，望着坐餐廳外面飲酒、食煙、和寵物放電的人，真係裏裏外外都咁chill。