Video
Read full review
2021-11-07
42 views
以前去開橋底辣蟹嘅舊址，但係原來已經休業，而家搬到新鋪營業。〈豬潤啫啫雞煲〉有兩大片豬潤稍為煎過，唔算好厚果種，雞件分量超多，而且啖啖肉，唔會剩係得雞骨。醬汁調得啱啱好，係穩陣啫啫雞煲既味道。〈避風塘鱔球〉鱔球份量超級多，我哋兩個女仔都食唔晒，好彩炸粉唔厚，可以一啖接一啖咁食，炸蒜份量好多，夾埋鱔球一齊食好夾好惹味。〈橋底小炒王〉呢一樣係我最鍾意嘅菜式，腰果炸到好趣口，韭菜花又唔老，蝦乾魷魚好新鮮，炒到火候啱啱好，首推首推！〈豉油王金菇鴨舌〉呢款簡直係小菜嘅份量，絕對唔係小食咁少，豉油滷得好入味，連埋配菜嘅芽菜金菇一齊食，感覺好清新。最後餐廳仲送上是日糖水俾我哋，雖然係送嘅，但係紅豆沙都煲得好好味，紅豆好大粒，陳皮味道唔會好重，好啱食啊！
〈豬潤啫啫雞煲〉
有兩大片豬潤稍為煎過，唔算好厚果種，雞件分量超多，而且啖啖肉，唔會剩係得雞骨。醬汁調得啱啱好，係穩陣啫啫雞煲既味道。
〈避風塘鱔球〉
鱔球份量超級多，我哋兩個女仔都食唔晒，好彩炸粉唔厚，可以一啖接一啖咁食，炸蒜份量好多，夾埋鱔球一齊食好夾好惹味。
〈橋底小炒王〉
呢一樣係我最鍾意嘅菜式，腰果炸到好趣口，韭菜花又唔老，蝦乾魷魚好新鮮，炒到火候啱啱好，首推首推！
〈豉油王金菇鴨舌〉
呢款簡直係小菜嘅份量，絕對唔係小食咁少，豉油滷得好入味，連埋配菜嘅芽菜金菇一齊食，感覺好清新。
最後餐廳仲送上是日糖水俾我哋，雖然係送嘅，但係紅豆沙都煲得好好味，紅豆好大粒，陳皮味道唔會好重，好啱食啊！
Post
