手卷駅

Open Now

Now Closed

人大左，已經好少去旺中，雖然知道內面有掃街小店，但數量唔多，所以一直無去過。今次食完個主食唔夠飽，決定去旺中搵小食。第一站黎到最近入口嘅壽司/手卷店，試左兩款熱門推介，分別係芝士炸蝦卷，同埋吉列蠔卷。芝士炸蝦卷$25、吉列蠔卷$25每件細細件，整體價錢唔係話好平，但味道真係唔錯。前者半溶芝士為壽司添加濕度，入口有濃濃芝士同蝦味，配搭得幾好，係重口味之選；後者吉列蠔即炸Feel，蠔汁非常辣口😆，建議放一陣先好食。兩款卷物都好味，只係蝦卷略勝少少。