花丸軒

Open Now

Now Closed

星期五晚差唔多九點先黎食。唔洗等。入到去發現氣氛好歡樂。光猛乾淨。員工好笑容同nice。有啲驚喜。幸福二重奏配蛋：樣好靚仔。湯又濃又香，但真係好多肥膏浮浮吓。麵好彈牙，蛋好香，熟度完全剛剛好，荀都好味唔會勁重酒味，唔會有渣。叉燒非常香但好薄，但比其他拉麵舖細塊。最估唔到係我食條豬軟骨裏面啲軟骨雖然滑同香，但啲肉係鞋的。都幾鞋吓添。Fail！成碗食曬到夜晚十二點都覺得好滯，因為真係肥。家下冬天OK 嘅，但夏天真係唔會想食啲咁肥膩嘅拉麵。總結：相信重口味人士會好鐘意呢個麵。個肉鞋對我黎講其實唔係大問題，因為我食拉麵主要食個湯、麵同蛋。但個湯對我黎講實在太多肥膏，相信下次都至少一年後。