一品雞煲火鍋

Open Now

Now Closed

今日行完街見攰攰地又差唔多晚飯時間，於是就去咗食一品雞煲，由於我哋都比較早，大概六點左右就去，所以人齊就即刻有得入。呢間可以話係我食過最好味既雞煲，所以每次諗起雞煲都會諗起一品。相信鍾意食雞煲嘅朋友都係貪佢夠重口味夠濃，而呢一間嘅雞煲個汁係超級正，雞同汁之間嘅配合可以話係天衣無縫，令人食完一舊好想再食下舊。咁食完雞之後就會加個湯變打邊爐，提提鍾意重口味嘅朋友記得留少少雞汁先好加湯，咁之後打邊爐嘅時候就可以點返雞汁唔使點豉油，味道更加出眾！或者唔記得留雞汁嘅可以叫侍應叫雞汁，不過我印象中好似要10幾蚊。其他配料so far都唔錯，但我個人推薦最後一定要食返一隻公仔麵，因為個湯底真係好正！