小魚兒 (寶漢大廈) (Closed)

小魚兒 Little Fish📍銅鑼灣波斯富街24-30號寶漢大廈1樓近排秋意來襲，又係時候食返啲熱辣辣，㷫烚烚嘅嘢。除咗打邊爐之外，我同朋友最鍾意食嘅應該就係雞煲啦。近排食過高水準嘅雞煲，一定要數到小魚兒，絕對有質素保證嘅川菜餐廳！ 💰$23鹽燒鵪鶉蛋 🥚孜然口味嘅鹽燒鵪鶉蛋，賣相似足一串咖喱魚蛋，真係好少地方有得食。鵪鶉蛋唔會燒到好乾，蛋黃味道濃香，孜然粉更添惹味，記得趁熱食啊！ 💰$70椒鹽鴨血 🧆椒鹽豆腐、椒鹽魷魚、椒鹽豬扒，呢啲大家食得多，都食得厭嘅時候，不妨一試椒鹽鴨血！廚師將鴨血切成細小方粒，裹上麵衣炸香後灑上椒鹽，保留鴨血嘅滑順，同時做到外脆內軟嘅口感。一口一件嘅椒鹽鴨血令人上癮，愛食鴨血嘅朋友必定要試試。 💰$63食肉獸 🍖第一次喺小魚兒食冒菜，淨係湯底都有接近10款選擇，連主食都有五款，亦可以按個人口味調整辣度同配菜等等，非常高自由度！我哋揀嘅呢款食肉獸有五花腩、牛肉、雞肉、豬肚同娃娃菜，湯底選配暖身胡椒湯，再搭配土豆粉做主食，BB辣嘅口味剛剛好，同濃味胡椒一齊食都唔會覺得太辣。所有肉類其實都煮得相當入味，亦好腍身，索晒湯底嘅胡椒味。當中，豬肚係最好食嘅，因為爽爽哋