Video
Read full review
2021-09-17
312 views
曾聽說食辣係會上癮，而且仲會愈踩愈深，愈食愈辣。所以，我決定要訓練我既另一半都要食到辣，今日開始帶佢黎展開呢個尋辣旅程。我既男友黎自英國，今次係佢第一次食打邊爐，佢話今次體驗及感覺都係完美！知道又一城開咗重慶麻辣火鍋嘅第一間係香港嘅直營店，咁確保夠正宗夠原味，佢都有一啲香港店限定嘅菜式。雖然話係要挑戰啦，但係亦都唔想太過冒險，於是加$98要一下鴛鴦湯底，亦都可以試吓唔同湯底嘅味道。招牌劉一手立方麻辣紅油湯底（中辣）$216一撈起個湯羹就見到滿滿嘅辣椒碎、花椒同其他香料等。而且佢用咗牛油脂肪同埋10幾種中藥香料炮製而成，食落真係辣而不燥，反有潤滑既感覺！滋潤椰子雞湯 $118唔好以為佢淨係辣嘅湯底先出色，椰子雞湯都可以做到好清甜架，而且雞件超多，好似多咗一個餸添慢慢喺湯入邊浸住，食落啲雞肉都唔會鞋。新鮮手切牛肉拼盤$498叫呢個牛肉拼盤先至係大滿足，可以一次過食到五個牛唔同既部位，包括牛頸脊、牛白肉、牛小排、封門柳同肉眼邊。牛白肉呢個軟骨位置，雖然你見佢成塊白色，但其實入口一啲都唔油膩，而且非常爽口。牛頸脊就係我嘅至愛，你見到佢雪花分布均勻，所以入口油脂香而且牛味濃。劉一手醬油醃製豬肉片
曾聽說食辣係會上癮，而且仲會愈踩愈深，愈食愈辣。所以，我決定要訓練我既另一半都要食到辣，今日開始帶佢黎展開呢個尋辣旅程。
我既男友黎自英國，今次係佢第一次食打邊爐，佢話今次體驗及感覺都係完美！
知道又一城開咗重慶麻辣火鍋嘅第一間係香港嘅直營店，咁確保夠正宗夠原味，佢都有一啲香港店限定嘅菜式。
雖然話係要挑戰啦，但係亦都唔想太過冒險，於是加$98要一下鴛鴦湯底，亦都可以試吓唔同湯底嘅味道。
招牌劉一手立方麻辣紅油湯底（中辣）$216
一撈起個湯羹就見到滿滿嘅辣椒碎、花椒同其他香料等。而且佢用咗牛油脂肪同埋10幾種中藥香料炮製而成，食落真係辣而不燥，反有潤滑既感覺！
滋潤椰子雞湯 $118
唔好以為佢淨係辣嘅湯底先出色，椰子雞湯都可以做到好清甜架，而且雞件超多，好似多咗一個餸添慢慢喺湯入邊浸住，食落啲雞肉都唔會鞋。
新鮮手切牛肉拼盤$498
叫呢個牛肉拼盤先至係大滿足，可以一次過食到五個牛唔同既部位，包括牛頸脊、牛白肉、牛小排、封門柳同肉眼邊。
牛白肉呢個軟骨位置，雖然你見佢成塊白色，但其實入口一啲都唔油膩，而且非常爽口。牛頸脊就係我嘅至愛，你見到佢雪花分布均勻，所以入口油脂香而且牛味濃。
劉一手醬油醃製豬肉片$98
值得一讚嘅就係佢嘅醃豬肉係真係有醃味，而唔係好似某一啲店咁樣只係上面輕輕掃一層醬油。所以就算喺湯底嗰度浸浴後，都可以食得出本身豬肉片嘅醃料味。
新鮮魷魚$68
新鮮就是最好，你見到佢大大隻，而且已經切好一件件，爽甜鮮味！
丸丸拼盤$98
呢個雜丸拼盤，總共有五款，有墨魚丸、魚蛋、香菇貢丸、牛丸同埋沙律丸。一咬落牛丸，充滿肉汁而且牛味重！
寬粉$28
炸枝足$28
呢啲配料你哋真係要叫，因為劉一手嘅湯底用料十足，所以最好叫呢啲所有吸味吸精華嘅食材，去吸盡晒所有鮮甜食材嘅味道。
劉一手竹蔗茅根紅蘿蔔馬蹄水$38
劉一手冰涼薄荷西瓜茉莉冰粉茶$48
佢嘅飲品都有好多選擇，除咗有養生茶飲，仲有解辣系列，個冰粉茶就最啱不過啦！
真係冇乜嘢可以挑剔，我同男友都非常享受今次用餐體驗。
Post
