Video
Read full review
2022-11-25
9 views
Ha Noi 越南菜 Ha Noi Vietnamese Cuisine 📍尖沙咀彌敦道36-44號重慶大廈地庫heath 21號舖呢日我有啲緊要嘢要出九龍灣做，老豆喺九龍灣等咗我成日，又搵路又陪我搭車，我又點可以唔同返佢行下食埋飯先返屋企呢，所以我哋就喺尖沙咀街頭周圍搵食。因為我喺呢頭睇開牙，所以都好清楚K11呢帶無咩餐廳會啱我老豆食，所以我哋行下搵下就去咗彌敦道。搵到又攰又餓之際，老豆話「不如去試下重慶大廈啲咖喱？」，我都抱住去冒險嘅精神話好，但最後經過呢個翻新咗嘅商場仔，見到有越南嘢食，應該啱佢口味，就提議食呢間，估唔到咁有驚喜！ 💰$185優惠二人餐 👨👧前菜：安南鮮蝦米紙卷 🦐🫔呢款米紙卷同我食過嘅唔太一樣，佢嘅米紙皮比一般透明薄身嘅厚，厚度介乎於前者同港式腸粉皮之間，食落煙韌有咬口，係未食過嘅口感！裏面包住半邊蝦、生菜、檬粉等配料，而上面就灑咗啲芝麻碎點綴。佢係一個比較清淡嘅前菜，淨食真係有啲寡，加上我作為重口味界嘅代表，當然係唔點汁唔安樂，所以配咗撈檬個酸汁嚟食，估唔到又幾夾！如果鍾意濃味嘅食肉獸，可以考慮叫四隻越式香茅雞翼，二選一總有一款啱你。自選湯河/撈檬二碗🍜：主
📍尖沙咀彌敦道36-44號重慶大廈地庫heath 21號舖
呢日我有啲緊要嘢要出九龍灣做，老豆喺九龍灣等咗我成日，又搵路又陪我搭車，我又點可以唔同返佢行下食埋飯先返屋企呢，所以我哋就喺尖沙咀街頭周圍搵食。因為我喺呢頭睇開牙，所以都好清楚K11呢帶無咩餐廳會啱我老豆食，所以我哋行下搵下就去咗彌敦道。搵到又攰又餓之際，老豆話「不如去試下重慶大廈啲咖喱？」，我都抱住去冒險嘅精神話好，但最後經過呢個翻新咗嘅商場仔，見到有越南嘢食，應該啱佢口味，就提議食呢間，估唔到咁有驚喜！
[價錢 Price]
💰$185
優惠二人餐 👨👧
前菜：
安南鮮蝦米紙卷 🦐🫔
呢款米紙卷同我食過嘅唔太一樣，佢嘅米紙皮比一般透明薄身嘅厚，厚度介乎於前者同港式腸粉皮之間，食落煙韌有咬口，係未食過嘅口感！裏面包住半邊蝦、生菜、檬粉等配料，而上面就灑咗啲芝麻碎點綴。佢係一個比較清淡嘅前菜，淨食真係有啲寡，加上我作為重口味界嘅代表，當然係唔點汁唔安樂，所以配咗撈檬個酸汁嚟食，估唔到又幾夾！如果鍾意濃味嘅食肉獸，可以考慮叫四隻越式香茅雞翼，二選一總有一款啱你。
自選湯河/撈檬二碗🍜：
主食我同老豆一人叫咗一款嚟分食，我揀咗香茅豬扒撈檬，佢揀咗扎肉湯檬。碗撈檬上檯嘅時候而經香味撲鼻，塊豬扒又厚又重香茅味，雖然係帶骨豬扒，但都好多肉食！而扎肉就味道平平，正常嘅扎肉味，無咩特別。撈檬清新爽口，湯檬比較淋身索湯，各有各好食之處，一人一款撈亂食，就可以食齊兩款！值得一提嘅係個湯，雖然我戒咗牛，但有時都會偷雞飲牛湯，佢呢個湯應該用咗牛肉去熬，濃而不膩，最後俾我飲到一滴都無得淨。(屋企人都叫我做湯怪，朋友就叫我做MSG星人，哈哈！)
配送：
凍飲或特飲兩杯 🥂
椰果椰汁西米露 🥥
食親東南亞嘢食，我次次都會叫杯椰汁底嘅特飲，因為無嘢比佢更解渴同解辣。以前唔識嘢，永遠淨係會叫珍多冰、三色冰呢啲，但其實我係唔太鍾意入面啲配料，啲一條條好似大菜糕口感嘅我認真麻麻，自從飲過其他椰汁類飲品，就無再飲過佢哋！呢杯西米露集飲品同甜品於一身，冰冰涼涼，椰果同西米露加返啲口感無咁寡，而且大大杯，非常推薦大家一試！
熱情果梳打 🍹
熱情果糖漿有接近半杯，份量比得好足，唔好睇佢係罐裝梳打，其實飲落可以沖到兩杯！因為糖漿好份量好足，所以唔怕沖到第二轉時淡味，沖晒兩杯啱啱好！
Post
