Video
Read full review
2022-02-11
165 views
意大利係一個我自己都幾鍾意嘅國家，除咗有好靚嘅海岸線風景之外，仲有好多好美味嘅美食，只要你去過一次就已經流連忘返！而家疫情嘅關係冇得去旅行，好彩香港都有好正宗嘅意大利餐廳店舖可以俾大家感受一下暫時去咗意大利嘅感覺。今次去咗呢間餐廳好特別，前面規劃為餐廳嘅部份，店舖後半部就係一間意大利食材店，樓上更加有包廂，感覺真係好似意大利五漁村嗰啲舖頭咁好得意，我自己食完飯之後都買咗啲食材返去試吓㗎，不過今次嘅篇幅我想主打講餐廳嘅食品，事不宜遲我哋開始啦！首先我叫咗杯佢哋嘅招牌Homemade lemonade ，味道好清新但係唔會太酸，微微帶點香草嘅味道，我自己好鍾意。意式手工肉丸嘅肉質好飽滿配合返入口酸酸地嘅蕃茄汁，絕對係刺激到你嘅味蕾，鍾意重口味嘅你絕對唔好錯過。另外我都叫咗一份烤焗千層茄子，唔講唔知，利用茄子去做千層麵嘅餡料係意大利最古老亦都係最佢哋國家本身比較獨特嘅版本，肉類餡料嘅反而係之後變化出嚟嘅，咁有特色嘅菜當然要試吓啦！佢嘅茄子同埋芝士每一層都好均勻咁樣放上去烤焗，由於佢加入左兩種芝士，所以一入口會食得出食到兩款芝士唔同嘅口感同埋芬芳。茄子入口即溶，而且番茄醬入口唔會酸，整體嘅感覺
今次去咗呢間餐廳好特別，前面規劃為餐廳嘅部份，店舖後半部就係一間意大利食材店，樓上更加有包廂，感覺真係好似意大利五漁村嗰啲舖頭咁好得意，我自己食完飯之後都買咗啲食材返去試吓㗎，不過今次嘅篇幅我想主打講餐廳嘅食品，事不宜遲我哋開始啦！
首先我叫咗杯佢哋嘅招牌Homemade lemonade ，味道好清新但係唔會太酸，微微帶點香草嘅味道，我自己好鍾意。
意式手工肉丸嘅肉質好飽滿配合返入口酸酸地嘅蕃茄汁，絕對係刺激到你嘅味蕾，鍾意重口味嘅你絕對唔好錯過。
另外我都叫咗一份烤焗千層茄子，唔講唔知，利用茄子去做千層麵嘅餡料係意大利最古老亦都係最佢哋國家本身比較獨特嘅版本，肉類餡料嘅反而係之後變化出嚟嘅，咁有特色嘅菜當然要試吓啦！佢嘅茄子同埋芝士每一層都好均勻咁樣放上去烤焗，由於佢加入左兩種芝士，所以一入口會食得出食到兩款芝士唔同嘅口感同埋芬芳。茄子入口即溶，而且番茄醬入口唔會酸，整體嘅感覺唔會一口油，我自己都好推薦！
意大利鱸魚利用白酒烹調過之後一上枱嘅味道超級香，佢嘅外皮煎到香脆，魚肉入口好結實完全無魚腥味，絕對唔會比一般嘅肉類輸蝕。
最後我都叫咗一個Tiramisu為呢一餐畫上句號，佢嘅入口唔會好苦，而且餅乾都好濕潤，係一個大人同埋小朋友食入口後都會好滿足嘅甜品。總括嚟講呢間餐廳嘅性價比真係好唔錯，午市嘅餐牌百零蚊左右就已經有三個好正宗嘅菜式，而且份量亦都好大碟CP值好高，餐廳亦都一路播住啲意大利風情嘅音樂，我自己覺得好值得嚟呢度享受佢嘅餐點順便感受下意大利嘅風情，大家有興趣就去試吓啦！
Post
