Video
Read full review
2022-08-09
23 views
旺角 - 阿里郎熱狗棒 依家因為疫情，大家唔知幾耐冇出過國呢？日日都心掛掛吾同國家嘅美食，好想快啲唔使隔離咁去旅行，然後瘋狂食🤤小編最想去嘅就係韓國，諗起之前去一定會買啲小食返去酒店食，而旺角街頭正正有一間韓國人氣熱狗棒，即叫即整，內裏藏著拉芝芝士，十分誘人😍🔶乜都有套餐，熱狗*1、冬甩*1、飲品*1 💲78呢個個店內新推出嘅套餐，想每樣食一件嘅朋友仔就啱曬喇Oreo熱狗（🌟88.65/100）呢個亦係店內新推出嘅熱狗款式，外面裹滿Oreo早餐脆圈，內裏正是mozzarella拉芝芝士，極大條好重手🫢如果返到屋企怕凍曬，可以用氣炸鍋180度5分鐘，就可以回復熱辣辣。熱狗棒咬落極脆「卡滋卡滋」嘅聲音，先咬到Oreo早餐脆圈甜甜哋嘅味道，然後mozzarella芝士隨即拉芝，甜鹹甜鹹嘅感覺交疊，每一啖都好想挑戰下可以拉到幾長，好玩又好食伯爵茶冬甩（🌟81.43/100）呢個又係新品，有六款冬甩嘅口味，分別有牛奶、雲呢拿、Oreo、伯爵茶、藍莓、士多啤梨。今次就揀咗伯爵茶口味，冬甩外面裹滿砂糖，即刻炸起熱辣辣，內裏嘅伯爵茶凍冰冰，咬落去好似冰火兩重天❄️🔥外皮好軟熟甜甜哋熱辣辣，內裏凍冰冰嘅伯
依家因為疫情，大家唔知幾耐冇出過國呢？日日都心掛掛吾同國家嘅美食，好想快啲唔使隔離咁去旅行，然後瘋狂食🤤小編最想去嘅就係韓國，諗起之前去一定會買啲小食返去酒店食，而旺角街頭正正有一間韓國人氣熱狗棒，即叫即整，內裏藏著拉芝芝士，十分誘人😍
🔶乜都有套餐，熱狗*1、冬甩*1、飲品*1 💲78
呢個個店內新推出嘅套餐，想每樣食一件嘅朋友仔就啱曬喇
Oreo熱狗（🌟88.65/100）
呢個亦係店內新推出嘅熱狗款式，外面裹滿Oreo早餐脆圈，內裏正是mozzarella拉芝芝士，極大條好重手🫢如果返到屋企怕凍曬，可以用氣炸鍋180度5分鐘，就可以回復熱辣辣。熱狗棒咬落極脆「卡滋卡滋」嘅聲音，先咬到Oreo早餐脆圈甜甜哋嘅味道，然後mozzarella芝士隨即拉芝，甜鹹甜鹹嘅感覺交疊，每一啖都好想挑戰下可以拉到幾長，好玩又好食
伯爵茶冬甩（🌟81.43/100）
呢個又係新品，有六款冬甩嘅口味，分別有牛奶、雲呢拿、Oreo、伯爵茶、藍莓、士多啤梨。今次就揀咗伯爵茶口味，冬甩外面裹滿砂糖，即刻炸起熱辣辣，內裏嘅伯爵茶凍冰冰，咬落去好似冰火兩重天❄️🔥外皮好軟熟甜甜哋熱辣辣，內裏凍冰冰嘅伯爵茶醬洶湧而出，淡淡嘅伯爵茶香，多了一份清新嘅口感
柑橘碳酸水（🌟90.63/100）
大大個橙放係杯嘢飲上面，下面係鮮橙色嘅果汁，十分吸睛🤩甜度適中，每一啖都飲到粒粒果肉，飲落凍冰冰，好適合夏天
🔶自選熱狗*2、芝士波波*4、年糕香腸串*1 💲120
芝薯拉絲（🌟89.66/100）
外面裹滿粗薯條粒粒，內裏係海量嘅mozzarella拉芝芝士，店內有吾同嘅醬汁歡迎大家住落，店家推介砂糖+芝士粉+ 車打芝士醬+芝士芥末醬。外皮食落好似圓碌碌嘅薯餅，麵包粉漿好軟熟，先食到沙沙甜甜嘅砂糖，雙重嘅醬汁加上內餡mozzarella，雙重芝士微微辣，口感豐富
薯條鴛鴦芝腸（🌟90.75/100）
口感同芝薯拉絲有異曲同工之妙，只係內裏多咗條腸仔，但小編就鍾意食有腸仔嘅多啲，腸仔爆出肉汁加咸香嘅芝士係完美組合
芝士波波（🌟91.43/100）
大大粒炸芝士肉丸，豬肉內裹包咗流心芝士，咬落好香脆微微辣辣哋流出芝士，加芝士芥末醬，口感濕潤
年糕香腸串（🌟91.55/100）
一條年糕一條香腸串連一齊，年糕係炸過嘅，外脆內煙靭，如果口大嘅一定要連埋一齊放入口會好食好多
🗺 阿里郎熱狗棒 (旺角)
旺角奶路臣街12-26號啟賢大廈地下7B號舖
Post
