Isaak's

Open Now

Now Closed

一間座落於佐敦的韓式餐廳，外面粉藍及白色相間的屋仔造型，進內有一排排長型木枱及一列卡位，極之寬敞，客人可以無拘無束坐上幾個鐘。餐廳 以快餐店形式經營，客人先落order，跟住自行取餐，非常方便快捷。午膳返尾聲時段，店內唔算太多人。點咗一個lunch set，有芝士辣炒年糕及紫菜包飯，並附送凍檸茶及一小碟泡菜。芝士辣炒年糕雖然份量唔算多，但年糕勝在夠大條煙韌，辣味亦可接受，好多汁唔會乾身。至於紫菜包飯嘅顏色豐富，又黃又綠， 非常吸睛。材料有雞蛋、酸蘿蔔、蟹柳、青瓜及紅蘿蔔絲，好清新的味道，配合一杯凍檸茶，啱啱好。餐廳其實仲有好多地道韓國美食供應，留待下次再試。值得一提嘅係餐廳冇收加一服務費 ，今時今日，比較少有。