Portal-Work & Play (Closed)

距離開場睇戲仲有一段時間，最好黎依度飲吓野聽吓歌。因為時間倘早，無咩客人，寧靜舒服，張張都係大梳化，正。等吓等吓，九點幾仲未有 Jass 聽既？查詢之下，原來星期一係無 live jass 架 ﹗只有 DJ 打碟，勁勁勁失望。咁無法啦，飲杯野，等夠鐘入場睇戲啦。美女好聚精會神咁諗咁飲咩好呢，不過預左佢都係啤酒架喇，無錯，最後都係嘉士佰，哈哈，happy hour buy one get one good 呀。我就點左個 Sangria 西班牙特飲，基本上傳統調法都不外乎紅酒、白蘭地、梳打或汽水溝勻，再加生果和冰粒，不過每間酒吧既手法、配搭同份量都唔同，所以每間酒吧各具特色，而且味道不一。Portal-work 既 Sangria 唔錯，滿意，其實幾易醉。環境既氣氛、裝修、擺設、燈光既構圖很美，好溫暖浪漫，環境舒服又夠 relax，係欠個女朋友。朋友仔形容好想瞓覺，哈哈，講得無錯，舒服咪想瞓囉。口感同味道都不錯既印尼蝦餅，卜卜脆，好有童年回憶，細個阿媽成日炸，當薯片比我地食，因為平好多。除左任食既蝦餅外，仲有蒜香花生，脆口，不過無咩特別。