李好味 (Closed)

簡簡單單想食個Lunch，見到李好味開返，即刻對自己好D,走上去食個Lunch，價錢雖然都唔係平，但一路都有品質保證，仲要有湯，麵包，糖水，計落又唔算貴，轉咗新餐牌，所以今次試了個大隻滷，即係滷豬軟骨滷蛋陳村粉。湯就夠哂滋潤蘋果雪梨湯，個麵包如果同之前比，塊叉燒大咗3倍，糖水就係桃膠紅棗龍眼糖水，聽個名都知道正呀~個豬軟骨跟個陳村粉都分開2碟上，都覺得今次無選擇錯，第一次食陳村粉，原來即大塊河粉差不多，但食落口感真係有D唔同，唔會好似碎濕濕咁。今次睇黎算進步咗，都可以下次再試吓其他。