炑八韓烤 (青衣城1)

Open Now

Now Closed

青衣城餐廳唔多，想搵間好少少既餐廳都吾容易，呢間位於青衣城既連鎖韓國燒烤一定要試下。佢店舖門口唔算大，但一入到去原來舖面好大，好多位，但佢抽風系統應該做得幾好，因為油煙唔算大，食左成晚都唔覺得身上有太大臭味。佢唔似其他韓燒店小菜refill要加錢，呢間炑八韓燒既小菜、生菜同蛋都係無限添加，非常正，因為韓燒除左食肉，當然要食佢每一小碟既韓式小菜，全部都葉得好入味。而佢啲肉聲稱係來自韓國，但點樣認證真偽就無從稽考，不過啲肉望落色澤係幾靚。燒完加生菜配埋佢啲醬汁係出色既，但價錢就偏貴，如果你大食既話，可能就點好多啦，可以選擇佢啲套餐再單點加啲肉。