品味人生中國廚房 (Closed)

一早知道呢度二人餐既份量多，所以三個人只叫一個二人套餐就夠。螺頭湯和花旗蔘雞湯、蘿白、鐵板鴨胸、錦鹵雲吞、中華沙律手卷、籠仔蒸三鮮菇、糯米飯同埋甜品，種類真係好多。飲了少許花旗蔘雞湯，好淡，似飲水，雞肉也是沒味的；蘿白唔得鮮甜，同車品品比簡直是天與地；鐵板鴨胸算是合格，鴨胸不太韌，京蔥香口；錦鹵雲吞外皮就脆，不過餡料甚少；中華沙律手卷，反而是脆皮筒比內容好；糯米飯，溫度唔夠，材料也不足；籠仔蒸三鮮菇是最好，用蒜泥蒸起好香，冬菇淋，脾菇爽，送飯唔錯。甜品要桂花紅豆糕和香橙果凍，賣相可以，不過味道還是差少少，食啫哩好過。可能太多人等位，侍應個個好急咁，野都未來整就話同我地埋左張單先，咁樣食野我就唔係咁鐘意。