天山小館 (Closed)

新彊菜對我來講都幾特別，從來未食過，網上睇新彊旅遊vlog就睇得多。朋友係羊肉高度愛好者，呢間差唔多飯堂咁。我同埋其他兩個朋友都幾怕羊羶味，佢話啲羊唔羶，再加埋新彊獨特嘅香料，食完只會想encore，羶味係咩都唔會記得。老闆娘睇得出係好有異國風嘅新彊人，全晚都好熱情。我朋友成日來食，同老闆都好熟。食物真係幾好食，大量皮牙子（新彊話洋蔥），孜然其實唔係味味菜都有，手抓羊肉就俾咗碟仔孜然自己加，食幾多加幾多，都幾特別。