十二味 (謝斐道)

Open Now

Now Closed

今日突然好想食辣野，又早咗少少去食lunch,就博一博睇下十二味駛唔駛排長龍。結果，第2張到我地，Yeah!!同事叫麻婆豆腐，我心諗，咁難得食到，點解叫d 咁普通嘅款式。點知，佢係最好味個款唔太辣，易入口。麻味好香，好出色，花椒，八角，豆瓣醬，仲有其實香料，好有層次。豆腐亦好滑。好食麻辣香煱，可以揀雞翼/豬/牛，我地揀咗雞翼。好多配料，薯條好食，野味不過唔夠辣，有d失望。如果可以再辣d就會very good。酸菜魚，份量好足，我見好多一個人黎食lunch嘅都會叫依款。開頭無攪d酸菜就食魚片，魚片有d 淡水魚嘅泥味。之後攪咗幾下d酸菜，連同酸菜同湯，加埋飯一齊食，即時無咁泥味，魚嘅鮮味出返黎，好好味。真係依款餸都夠食一碗飯。整體唔錯，好食，份量足，用料新鮮，不過如果鐘意食辣嘅，就會有d失望。