丼瀛 (Closed)

🍣丼瀛特上築地壽司杯: 真係一個全新嘅體驗, 真係未試過一杯杯咁樣食壽司, 外觀已經覺得佢勁靚。有7款壽司, 有赤牡丹蝦、三文魚腩、三文魚籽、時令魚、芥末八爪魚、蔥吞拿魚腩、帆立貝、松葉蟹二本爪、海膽！非常之新鮮, 蝦非常鮮甜, 三文魚籽粒粒完整分明。呢個食法唯一唔好處就係我淨係想食刺身而唔想食飯, 所以我就將啲飯俾晒我男朋友食, 哈哈。🎡串炸摩天輪: 摩天輪相信係好多女仔覺得好浪漫嘅事, 不過我唔太girly, 將炸物放喺摩天輪反而幾合我嘅性格。所有炸物都炸到香脆而且熱辣辣, 即叫即炸一啲都唔失禮。有七款炸物, 每款有兩件。 有吉列廣島蠔、天婦羅、忌廉蟹肉薯餅、蟹鉗、炸鵪鶉蛋、脆炸流心粟米餅、牛肉薯餅！🦪日本廣島生蠔: 多數會食澳洲或者歐洲嘅生蠔，日本蠔通常用來做熟食, 但今次就是吃日本嘅廣島蠔。非常新鮮, 雖然唔算好大隻, 但係就夠晒鮮味。唔算好鹹同埋夠晒海水。店員介紹有除左落檸檬嘅另一種食法, 佢附上另一種醬汁, 但我都係覺得食生蠔一定要加檸檬汁。🦐燒大蝦頭: 真係好大隻好大隻！蝦甜甜地, 幾爽口彈牙, 冇因為燒而乾哂水, 仲有少少汁正！