野菜咖喱事務所 Curry Man (Closed)

野菜咖喱事務所-橋底下的咖喱店從來都冇諗過係葵涌中心商場地下可以有一間日式裝修既咖喱店，可能係位於舊商場，同其他店舖別樹一格，頓時引起我既食慾。細看menu，下午茶時段有6款餐選擇，價錢都係廿幾蚊到三十幾蚊，重點係下午茶餐時段去到晚上7點，係附近收工行快兩步買黎做dinner真係抵到爛。由於我歸家心切，所以就外賣拎走。拎出個餐既時候覺得食店好有heart，一黎會自製貼紙，二黎熱飲會提供杯套。🐻野菜咖喱牛肋條飯$34唔好以為下午茶餐份量就會少，滿滿一碗飯，仲要係飯上面加上芝麻，牛肋條都有成8件咁多，牛肋條煮得入味又唔韌，唯一缺點就係咖喱汁比較稀。另外，我加咗$6要埋新鮮生果，但結果只有4塊火龍果，性價比低，唔建議加錢。