Commix Bar

Open Now

Now Closed

經過赫德道想食d野同飲酒吹吓水，望落呢間都好似唔錯，就入去試吓。我地叫咗幾款野食，真係唔錯，勁好味。炸魚薯條魚柳外面果層吉烈外皮炸得好乾身，一d都唔油膩，而入面d魚肉勁嫩滑，點埋沙律醬一流，炸薯條已經落咗調味，都幾好味，唔錯。蟹肉燴意粉d意粉好煙韌，唔會overcook,勁多蟹肉同蟹子，配埋意粉食落好鮮味，非常好食。蒜蓉辣雞翼上面鋪滿勁多蒜蓉同辣椒,所以一上枱已經聞到勁香，雞翼外面炸到脆卜卜，而入面仲好嫩滑，雞翼醃得非常好味，加埋d蒜蓉食落勁惹味。Peach Paradise係呢間bar嘅signature drink,又真係唔錯，甜甜地好易入口，好香桃味，勁大杯，夠晒份量。Fruit Punch飲落好重果味，橙味係最特出，酸酸甜甜，勁開胃。店員話每個星期六都有event,平日夜晚都會有live band，下次又再黎感受吓氣氛。