Video
Read full review
2023-09-29
1451 views
今日收工之後，同朋友黎到荃灣既大紅袍打邊爐！自從上次黎過佢地既金屋藏嬌鍋底之後就念念不忘，今次一定要再encore！荃灣呢邊既分店空間比較大，除左有卡位之外仲有唔少大圓檯，亦都有房，最啱同一大班家人朋友黎食飯，坐得非常舒服！✨金屋藏嬌湯底 足足有半隻新鮮雞，下面放左一大圈冬瓜，另外仲有唔少貴價配料，好似蟲草花、花膠等，飲落超級鮮甜，而且滋補養顏，啱哂女士飲。另外介會有姐姐幫手切開冬瓜同雞件，啲雞勁嫩滑，點少少豉油已經勁好食！✨大紅袍牛肉三拼份量超多，會供應時令牛肉，今次有手切肥牛、牛頸脊同牛𦟌。牛肉肥瘦適中，肉質嫩滑，心思思好多款想試既時候揀呢樣都唔錯！✨鮮牛筋丸拼墨魚丸、鮮蝦雲吞兩款丸都係新鮮手打，鮮牛筋丸真係超級好食，咬落牛肉味道香濃，而且充滿肉汁。而墨魚丸上面有蟹籽，非常彈牙。鮮蝦雲吞超大粒，入面有好多蝦肉，勁彈牙！✨鬼馬蝦膠炸到超脆既油炸鬼包住鮮味彈牙既蝦膠，用黎做火鍋配料，最出面索滿湯汁軟綿綿，而入面既油炸鬼竟然仲脆架！而蝦膠非常大舊，而且好彈牙，層次豐富。✨紫菜炸響鈴+炸魚皮兩樣都係新鮮炸起，上檯個時仲係熱辣辣架！魚皮有少少調味，就咁食就好似薯片咁食唔停口。響鈴同魚皮拎黎打
今日收工之後，同朋友黎到荃灣既大紅袍打邊爐！自從上次黎過佢地既金屋藏嬌鍋底之後就念念不忘，今次一定要再encore！荃灣呢邊既分店空間比較大，除左有卡位之外仲有唔少大圓檯，亦都有房，最啱同一大班家人朋友黎食飯，坐得非常舒服！
✨金屋藏嬌湯底
足足有半隻新鮮雞，下面放左一大圈冬瓜，另外仲有唔少貴價配料，好似蟲草花、花膠等，飲落超級鮮甜，而且滋補養顏，啱哂女士飲。另外介會有姐姐幫手切開冬瓜同雞件，啲雞勁嫩滑，點少少豉油已經勁好食！
✨大紅袍牛肉三拼
份量超多，會供應時令牛肉，今次有手切肥牛、牛頸脊同牛𦟌。牛肉肥瘦適中，肉質嫩滑，心思思好多款想試既時候揀呢樣都唔錯！
✨鮮牛筋丸拼墨魚丸、鮮蝦雲吞
兩款丸都係新鮮手打，鮮牛筋丸真係超級好食，咬落牛肉味道香濃，而且充滿肉汁。而墨魚丸上面有蟹籽，非常彈牙。鮮蝦雲吞超大粒，入面有好多蝦肉，勁彈牙！
✨鬼馬蝦膠
炸到超脆既油炸鬼包住鮮味彈牙既蝦膠，用黎做火鍋配料，最出面索滿湯汁軟綿綿，而入面既油炸鬼竟然仲脆架！而蝦膠非常大舊，而且好彈牙，層次豐富。
✨紫菜炸響鈴+炸魚皮
兩樣都係新鮮炸起，上檯個時仲係熱辣辣架！魚皮有少少調味，就咁食就好似薯片咁食唔停口。響鈴同魚皮拎黎打邊爐，浸1秒已經索哂d汁，正到爆！
金屋藏嬌湯底
25 views
0 likes
0 comments
金屋藏嬌湯底
56 views
0 likes
0 comments
大紅袍牛肉三拼
14 views
0 likes
0 comments
Post
