Video
Read full review
2021-02-02
1341 views
今日收工過左去北角送禮，之後約埋老公一齊去食個 early dinner。記得健康東街有間食清湯腩嘅茶餐廳，諗住過去食碗腩河，嚟到發現原來舖頭已經轉左手，換上一間門面光鮮嘅冰室。睇過門口餐牌，見除咗冰室常見嘅茶餐、特餐等之外，仲有燒臘飯供應，一於入去試下。我哋點左個燒味大碗飯，一隻乳鴿、一碟油菜同一碗淨湯瀨粉。原隻切雞髀拼油雞髀飯 ($68)：呢個雙髀飯賣相真係超吸引，兩大隻雞髀，幾乎將成個飯面完全遮蓋，氣勢十足。切雞髀油亮有光澤，雞皮薄身香甜，夠清爽又唔會油淋淋。雞肉雪白嫩滑，雞味濃郁，而且食落完全沒有多餘嘅脂肪。至於隻油雞髀亦醃得非常入味，雞皮微爽、富彈性。雞肉嫩滑結實，入口充滿豉油嘅甜香。套餐送老火例湯及咖啡或奶茶，碗蓮藕湯真係好正，真材實料，有湯有渣，感覺到無落味精，好飲。另外隻紅燒石岐乳鴿 ($52) 外形亦相當得睇，乳鴿即叫即炸，件頭夠大又脹卜卜，上檯時熱辣辣。外皮勁香脆，而且不滴油，鴿肉嫩滑多汁，配細滑爽口的瀨粉 ($16) 吃，既滋味又滿足。食完咁多肉，梗係要點返碟白灼油菜 ($20) 中和下，碟菜心灼得啱啱好，碧綠多汁，入口鮮甜無比。臨尾加左客下午茶餐：珍寶法蘭
記得健康東街有間食清湯腩嘅茶餐廳，諗住過去食碗腩河，嚟到發現原來舖頭已經轉左手，換上一間門面光鮮嘅冰室。睇過門口餐牌，見除咗冰室常見嘅茶餐、特餐等之外，仲有燒臘飯供應，一於入去試下。
我哋點左個燒味大碗飯，一隻乳鴿、一碟油菜同一碗淨湯瀨粉。
原隻切雞髀拼油雞髀飯 ($68)：呢個雙髀飯賣相真係超吸引，兩大隻雞髀，幾乎將成個飯面完全遮蓋，氣勢十足。切雞髀油亮有光澤，雞皮薄身香甜，夠清爽又唔會油淋淋。雞肉雪白嫩滑，雞味濃郁，而且食落完全沒有多餘嘅脂肪。
至於隻油雞髀亦醃得非常入味，雞皮微爽、富彈性。雞肉嫩滑結實，入口充滿豉油嘅甜香。
套餐送老火例湯及咖啡或奶茶，碗蓮藕湯真係好正，真材實料，有湯有渣，感覺到無落味精，好飲。
另外隻紅燒石岐乳鴿 ($52) 外形亦相當得睇，乳鴿即叫即炸，件頭夠大又脹卜卜，上檯時熱辣辣。外皮勁香脆，而且不滴油，鴿肉嫩滑多汁，配細滑爽口的瀨粉 ($16) 吃，既滋味又滿足。
食完咁多肉，梗係要點返碟白灼油菜 ($20) 中和下，碟菜心灼得啱啱好，碧綠多汁，入口鮮甜無比。
臨尾加左客下午茶餐：珍寶法蘭西多士 ($33) 做甜品，西多入面抹了花生醬，面頭放左塊牛油，外皮炸至金黃香脆，切開裡面軟綿綿，配糖漿吃，更添滋味。以後嚟北角又多個開飯嘅地方。
Post
