少爺泰 (Closed)

一向都鍾意食泰國菜，見附近開咗間，即刻去試下。星期六6:30唻到，唔洗等位，一入門感覺呢度裝修都幾用心，好多泰式佈置，充滿泰國悠閒風。同一般泰式食肆不同，呢度有好多新穎嘅泰式飲品，以沙冰， 傳統嘅飲品則欠奉。叫咗泰式金邊粉同焗烏頭。金邊粉好快就到。個碟同擺盤都好靚，好用心。啲金邊粉同青檸好夾，青檸幫助去除粉嘅油膩感。但個粉除咗落咗少量櫻花🌸蝦碎同上面擺盤嘅蝦外，全是齋，索價$98+10%服務費，感覺唔太抵。焗烏頭應係即叫即整，所以等咗40分鐘先送到上枱。烏頭（$138再加1）有點過咸，所以近魚皮嘅地方全部都冇食，而且條魚有啲細，撘配嘅兩個醬，一個係泰式酸辣汁，另一個唔太知係咩，食落幾清新同有助減低咸味。整體來講，呢度環境係唔錯，食物質素一般，但店員非常有禮勤快，同埋呢度地方夠大，2-10人嘅枱都有，所以唔少一家大小唻食。如果食物質素再好啲咁就好喇。