Video
Read full review
2007-08-09
3 views
收到恒生咭半價優惠的promotion, 即管試試這間上海菜館, 雖然是平日, 但六人枱都要等30-45min. 見到咁多人排, 以為食物不錯吧, 點知...* 首先, 帶位姐姐叫number時鬼咁斯文, 行遠少少都聽唔到, 要行到好埋個reception先得(因怕miss了便白等) * 內裏裝修尚算雅致, 幸好被安排坐在裏面的大廳(較光猛), 如坐在外面的地方便很暗(像在外面臨時加枱咁...)* 坐椅舒適, 但椅子太輕, 加上地板較跣, 小心一不留神會反及跌倒* 食物方面, 共點了:-鎮江肴肉, 我覺得鎮江肴肉的精髓就是肴肉上的"上湯啫厘", 圖片裏見到是很大片的, 但真實情況就... 外型就做到很似"仿膳"果d, 但味道就...太咸...醋太少(唔夠點), 而且醋不夠味, 肉太咸- 蒜泥白肉, 同樣係個賣相算可, 但醬汁一點也沒有蒜味, 又沒有辣味, 更加沒有"麻"味... 我想在大排檔點白灼蝦那碟豉油都好味過佢. 所以成碟餸係冇味的.- 小籠包, ok啦, 不過不失, 皮算薄, 夠熱(因為好多東西都唔夠熱)- 柞菜肉絲炒年糕, 配料少得可憐(唔知係咪柞菜同埋肉絲太貴), 年糕太梗
* 首先, 帶位姐姐叫number時鬼咁斯文, 行遠少少都聽唔到, 要行到好埋個reception先得(因怕miss了便白等)
* 內裏裝修尚算雅致, 幸好被安排坐在裏面的大廳(較光猛), 如坐在外面的地方便很暗(像在外面臨時加枱咁...)
* 坐椅舒適, 但椅子太輕, 加上地板較跣, 小心一不留神會反及跌倒
* 食物方面, 共點了:
-鎮江肴肉, 我覺得鎮江肴肉的精髓就是肴肉上的"上湯啫厘", 圖片裏見到是很大片的, 但真實情況就... 外型就做到很似"仿膳"果d, 但味道就...太咸...醋太少(唔夠點), 而且醋不夠味, 肉太咸
- 蒜泥白肉, 同樣係個賣相算可, 但醬汁一點也沒有蒜味, 又沒有辣味, 更加沒有"麻"味... 我想在大排檔點白灼蝦那碟豉油都好味過佢. 所以成碟餸係冇味的.
- 小籠包, ok啦, 不過不失, 皮算薄, 夠熱(因為好多東西都唔夠熱)
- 柞菜肉絲炒年糕, 配料少得可憐(唔知係咪柞菜同埋肉絲太貴), 年糕太梗, 口感一般, 成碟餸唔夠熱, 好似求其放d年糕落去炒幾炒就上碟...
- 金華火腿百葉津白, 湯底得個咸字, (可能用了很多很多金華火腿煲??), 同樣地, 可能因為打風菜價貴, 津白少得可憐.
- 雞xxx配叉子燒餅, menu上叉子燒餅只是配兩條的(即四件), 我們因有六人, 所以另加兩件燒餅, 但唔知點解, 另加果兩件上枱時"白茫茫", 完全好似冇焗過或烤過, 問侍應先生, 佢仲話"係咁架喎..."
燒餅本身算ok, 不過似放了好耐, 唔夠脆, 餅上芝麻唔香, 配料更加唔駛講, 炒埋一碟... 完全唔知佢炒緊乜, 是豬是雞都唔知, 淨係食到好多肥糕粒同埋應該係馬蹄粒...
- 生煎飽, 等了好耐, 因為是後加的, 都係唔夠熱, 似叮叮點心叮好拿上枱
- 上海雲吞, 同樣等了好耐, ok...唔係特別好食.
- 豆沙鍋餅, 唉... 都食到冇晒心機喇...我覺得同唯一麵家(或者其他街邊小店)都整得好味過佢啦.
總括來說全部食物的水準都below average!!! 這樣的價錢, (如果冇discount來計), 我寧願去吃仿膳飯莊了!
食物全部都唔夠熱, (全部都好似叮叮餸, 仲要叮得唔夠熱), 味道好一般, 份量太少, 不是太咸, 就是冇味, 材料配菜賣相又一般...上菜妤慢好慢...
加上侍應服務超勁惡劣!! 全部好似衝鋒陷陣倒瀉籮蟹, 端上食物時又唔用托盤, d手指(都唔知有冇綑黑邊)叉晒落隻碟度, 全部人都好似好唔耐煩黑晒口面, 仲要最離普的, 明明係佢地自己侍應落錯單, 把別人的食物送到我們枱, 負責傳菜的侍應竟然對我們說: "x, 咁煩架"
我們全部人都碌大眼望住佢: 你在"投訴"我們嗎???
衛生環境都麻麻, 見d侍應抺枱時把全部食物殘渣潑晒落地(茶餐廳都話用塊布包住呀, 最多塊布冇洗), 跟住侍應又會著住對鞋"貴"上張卡位椅上抺枱 (咁對鞋整污漕晒張椅背, 仲何況是白色椅背???!), 又會不用托盤拿食物,一路行一路週圍滴...
唉~ 金玉其外, 敗絮其中, 幸好今次有恒生咭discount先冇咁肉痛(折後$39x), 下次...應該話都唔駛指意會下次幫襯.
Post