金田家 (Closed)

一向係金田家既支持者，既然開到嚟荃灣，又點會唔我幫襯下，估唔到仲有驚喜！驚喜既係新開既荃灣店有限定既海老燒鹽麴拉麵呢間金田家比元朗店仲要大，地方寬敞，樓底高，坐得幾舒服！平時去金田家都唔會好似呢度咁，有餐前小食，雖然唔係d咩名貴小食，都足見誠意，為肚仔熱熱身都唔錯！飲品選擇同其他鋪一樣，貴精唔貴多，我就叫左可爾必思，同行既友人就叫左橙汁！小食我哋就叫左個男爵薯餅，一貫炸到金黃香脆賣相吸引！一碟有兩個口味，兩種都係我鍾意既味道，分別就係紫薯同原味既薯餅！拉麵未到，小食就先到！ 流心既溏心蛋，大大碗芽菜，仲有脆口既紫菜先送到嚟！同行既朋友點左佢哋既招牌黑豚拉麵，4 大片肥瘦適中既叉燒，配上豬骨濃湯，朋友話嗰陣日本味返晒嚟！至於我個海老燒鹽麴拉麵都跟住出場！大大碗勁吸睛！大大隻海蝦帶點芝士燒香左既焦香味，香味已經非常吸引，湯底略油，帶點辣幾惹味！拉麵中規中矩都幾煙韌！除了海老燒(蝦) 外，仲有幾片啖啖肉既叉燒，都煮得幾軟稔！至於海老燒(蝦) 比預期中好，蝦肉都仲幾彈牙，鮮甜，加埋鋪上蝦肉上面既芝士一齊食咸咸地味道更出色！以後去食金田家非常就腳，可以成日去幫襯！