鳳城1954 (MegaBox)

Open Now

Now Closed

「食在順德 廚出鳳城」鳳城酒家是傳統的順德菜名牌，早在我細個的時候屋企人便很喜歡幫襯北角鳳城酒家。但由於長輩已過身，現在都好少一家十幾人去食廣東菜飲茶。適逢今晚喺九龍灣開完會，見過有朋友喺鳳城打卡，所以上去食啲懷舊菜。原來呢間唔係鳳城酒家，而係一個全新嘅年輕品牌。 依然保留著一些懷舊菜，但整個環境卻很新潮。老老實實，有好有唔好，因為其實我諗起鳳城，就係諗起懷舊菜。我去鳳城，就係為咗食懷舊菜。話雖如此， 今晚我哋點嘅菜都盡量叫咗啲傳統嘅鳳城名菜。 其中最出名嘅炸子雞， 喺呢間舖頭原來叫做金皮炸子雞。很簡單的一隻炸雞，卻很有風味。豐富的肉汁，香脆的外皮。 傳統的味道，新潮的擺設。 其他唔講，淨係隻雞，我畀滿分。