Video
Read full review
2021-09-12
513 views
臨近中秋，又係時候要給親朋好友送禮。今日嚟置富花園送月餅，辦完正經事，就一齊去附近食個下午茶餐。喺商場嘅平台見到「金記冰室」，餐廳嘅門面好有格調，以漁船作設計藍本，配上室內的麻繩網格天花，裝潢別緻，令人眼前一亮。餐廳以 QR code 下單，客人不用翻開菜單，只須在手機自助完成整個點菜程序，就可以安心在座位中等候侍應上菜。沙嗲牛肉軍艦 ($30)，麵包好軟熟，面頭灑滿粒粒芝麻，咬下非常香口。夾喺中間嘅沙嗲牛肉，口感亦唔錯，厚薄均勻，肉味足，配上甜美多汁的菠蘿，十分惹味。每次去冰室食下午茶，都一定會點公司三文治，今次當然亦唔例外。睇下呢客金記三文治 ($44) 幾足料，生菜外還夾了餐肉、火腿、蕃茄、雞蛋和芝士等，連埋微烘嘅脆多一齊食，真係大滿足！另外點咗兩個餐，揚州炒飯 ($58) 配是日老火湯 (+$9) 及 凍香滑奶茶 (+$3)。是日老火湯為合掌瓜紅蘿蔔湯，湯水溫和清潤，能提升免疫力，好適合而家天氣飲用。炒飯即叫即製，新鮮熱辣，香噴噴又足料。成品加了不少鮮爽蝦仁及叉燒粒等，飯粒分明、軟硬有度，鑊氣十足，可口味美。跟餐凍奶茶，茶味鮮明清香，濃淡恰到好處，口感幼細潤喉。另一個餐就點咗生
喺商場嘅平台見到「金記冰室」，餐廳嘅門面好有格調，以漁船作設計藍本，配上室內的麻繩網格天花，裝潢別緻，令人眼前一亮。
餐廳以 QR code 下單，客人不用翻開菜單，只須在手機自助完成整個點菜程序，就可以安心在座位中等候侍應上菜。
沙嗲牛肉軍艦 ($30)，麵包好軟熟，面頭灑滿粒粒芝麻，咬下非常香口。夾喺中間嘅沙嗲牛肉，口感亦唔錯，厚薄均勻，肉味足，配上甜美多汁的菠蘿，十分惹味。
每次去冰室食下午茶，都一定會點公司三文治，今次當然亦唔例外。睇下呢客金記三文治 ($44) 幾足料，生菜外還夾了餐肉、火腿、蕃茄、雞蛋和芝士等，連埋微烘嘅脆多一齊食，真係大滿足！
另外點咗兩個餐，揚州炒飯 ($58) 配是日老火湯 (+$9) 及 凍香滑奶茶 (+$3)。是日老火湯為合掌瓜紅蘿蔔湯，湯水溫和清潤，能提升免疫力，好適合而家天氣飲用。
炒飯即叫即製，新鮮熱辣，香噴噴又足料。成品加了不少鮮爽蝦仁及叉燒粒等，飯粒分明、軟硬有度，鑊氣十足，可口味美。
跟餐凍奶茶，茶味鮮明清香，濃淡恰到好處，口感幼細潤喉。
另一個餐就點咗生炸雞髀即食麵配火腿烚蛋沙律 ($58)、白灼菜心 (+$16) 同 哥喇 (+$10)。睇下隻雞髀幾大隻，比手掌還要巨型，雞皮炸得很香脆，雞肉嫩滑又多汁。
沙律入面有薯仔、粟米、蘋果同菠蘿等，入口好 fresh，開胃又好食。即食麵煮得啱啱好，唔會過腍，幾有咬口。
菜心鮮嫩翠綠，大大碟，口感爽脆、軟腍適中。竟然喺餐牌搵到哥喇，梗係唔可以錯過。哥喇其實係由可樂 Cola 直譯而來，即經典可樂味，夠氣又夠味。
Post
