Video
Read full review
2021-12-13
932 views
金鐘作為商業區的存在，不同高樓大廈的組成絕對會令人有一定程度上的壓迫感。被石屎包圍的地方如果想尋找生活中的忙裡偷閒時間的話，除左可以去動植物公園外，亦可以考慮上山少少 - 麥當勞道2號Cafe Bar on 8的下午茶，響室內的環境中觀賞附近公園森林般的景色。要前往麥當勞道2號酒店非常簡單，只需於金鐘站B出口(轉右至添馬街巴士總站)，轉乘12A巴士後，只需5分鐘 (2個站)的車程就會到達目的地 (亦即係大家報考急救班的聖約翰救傷會總部)。 Cafe Bar on 8，故名思義就係因為餐廳設於酒店的8樓，所以非常容易辨認。餐廳非常寬敞，雖然今次所安排既位置唔係響窗口位，但小編與老公都可以透過落地玻璃而睇到附近的高樓大廈及海景，都係唔錯既感覺! 今次小編經旅遊網站以$268訂購下午茶，由於下午茶分2個時段而每個時段只有90分鐘，所以小編與老公打完卡後都即刻開餐，時間上都算足夠既。 簡單介紹完後，即刻睇下下午茶既食物相先：「綠野仙蹤」既特色係上菜時甜品盤會罩住，店員拎起罩盤時乾冰所散發既氣就會令甜品盤有迷離既效果，都係個可以打卡既賣點既。至於食物方面：冷盤：雪糕朱古力珍寶珠：朱古力因為易熔既
要前往麥當勞道2號酒店非常簡單，只需於金鐘站B出口(轉右至添馬街巴士總站)，轉乘12A巴士後，只需5分鐘 (2個站)的車程就會到達目的地 (亦即係大家報考急救班的聖約翰救傷會總部)。 Cafe Bar on 8，故名思義就係因為餐廳設於酒店的8樓，所以非常容易辨認。
餐廳非常寬敞，雖然今次所安排既位置唔係響窗口位，但小編與老公都可以透過落地玻璃而睇到附近的高樓大廈及海景，都係唔錯既感覺! 今次小編經旅遊網站以$268訂購下午茶，由於下午茶分2個時段而每個時段只有90分鐘，所以小編與老公打完卡後都即刻開餐，時間上都算足夠既。 簡單介紹完後，即刻睇下下午茶既食物相先：
「綠野仙蹤」既特色係上菜時甜品盤會罩住，店員拎起罩盤時乾冰所散發既氣就會令甜品盤有迷離既效果，都係個可以打卡既賣點既。至於食物方面：
冷盤：
雪糕朱古力珍寶珠：朱古力因為易熔既關係，店員都建議我地優先享用。珍寶珠內既雪糕有朱古力﹑雲尼拿及士多啤梨，大家食到邊款內饀就真係睇你既幸運程度吧；
芒果拿破崙：可能預先製成既甜品所以唔太脆，但芒果味道都算幾甜既；
草莓朱古力撻：草莓唔算太甜但始終今次下午茶比較多甜點，所以會令你覺得有酸既生果中和都幾好；
法式杏仁餅：亦即係Macaron (馬卡龍)。本身Macaron都係偏甜，而唔同顏色會有唔同既味道，又係睇你既好彩程度喇；
法式雜餅：今次小編就試到芝士蛋糕 - 偏向實感重既蛋糕，所以會令你非常有飽肚感，而芝士味算重味，所以建議大家試少少先再食落去；
煙三文魚黑魚子刁草忌廉芝士：細細粒既三文魚球配以青瓜，味道清新而食唔到三文魚既油膩感；
黑松露醬帶子他他：推介! 薄脆上用上帶子碎，非常香口；
法式燉蛋：唔算焗得太燶既感覺，而燉蛋唔似市面比較硬身，反而佢係比較黏少少既質地；
熱盤：
迷你和牛漢堡包：店員都推介我地先食 - 和牛漢堡肉質軟身而有唔錯肉香味，睇落去細細舊但其實都要兩啖先食到既；
小龍蝦包：可能都係因為預先製作而比較凍，雖然龍蝦味道淡口但小編都唔想佢為突出味道而煮得過火，食落去算係清新既；
格仔餅：配以朱古力醬及蜜糖，味道還好；
迷你朱古力心太軟：可能小編響較後時間先享用，所以流心朱古力既效果已經比較少。但心太軟既外層朱古力蛋糕唔會過甜而令你有罪惡感。
飲品：
咖啡或茶：自助形式於水吧自行提取。有一般既即磨咖啡﹑紅茶﹑檸檬等等。如果需要特飲就會有額外收費。
綜觀黎講，綠野仙蹤呢個下午茶取名的原意，應該都係想大家響附近公園的森林之下，享用呢份精緻既下午茶，令自己響繁忙生活中都會得到小確幸吧。 以$268既價錢相信響金鐘區的商場絕對食唔到呢個價錢既下午茶，論環境﹑食物質素去計返，都算係物有所值既。
Post
