Attic Handmade Pasta (Closed)

前兩日去開尖沙咀食飯，嚟咗呢間意大利餐廳，餐廳嘅氣氛較暗，非常浪漫，值得一提嘅係，餐廳嘅樓底好高，空間感好夠。餐前麵包蕃茄包酸酸地，幾開胃，有陣陣嘅蕃茄味。法包正常，加埋牛油一齊食幾好。日式醬油濆溏心蛋黄多士，黑松露意大利軟芝士，魚子醬Japanese-siled Marinated Egg Yolk Toast. fruille Mascarpone. Caviar Kristal用左日本長崎太陽卵，用日本醬油醃左一日，上面配上軟芝士同埋法國魚子醬。食落好有層次感，味道複雜而豐富。是日餐湯Daily Soup甘筍忌廉湯，味道好濃，口感好滑。雞白湯手打意粉，慢煮雞胸landmade Linguinc in Concentrated Chicken Soup, Slow-cooked Chicken Breast慢煮雞，起左骨，再燒香左。用左本地三黃雞，比較厚肉，滑嫩。慢煮雞好新鮮，雞肉味好重，意粉用咗雞嘅精華同牛油熬成，所以成個意粉都好重雞肉味，慢煮嘅雞肉特別滑，特別香。Flat White雖然係意大利餐廳，但係咖啡依然有做拉花，拉花嘅圖案都好靚。