To-Gather Cafe (Closed)

今日下午突然收到老細的電話，臨時要過去薄扶林，所以打算先去食飯再在金雞坐紅van返去，經過金雞樓下，見到有間Cafe，價錢便宜，又近紅van站，大熱天時，唔想走來走去，所以上去一試。cafe內有很多board game，可以自行玩樂，可惜今天趕時間，玩唔到。忌廉湯普通罐頭湯，有粟米及麵包粒，味道一般。芝士汁焗魚柳意大利粉炸魚柳肉厚但較咸，表面焗得很香，新鮮熱辣。卡邦尼雞肉意粉雞肉比較鞋，意粉不算太腍，醬汁普通，整體一般。炸墨魚卷外層炸得香脆，裏面有墨魚肉，不會溝很多粉。芝麻醬沙律沙律菜幾新鮮，蔬菜爽脆，加上芝麻醬甜味，非常清新開胃。巨峰提子乳酸乳酸味濃但提子味淡，初時較甜，但冰溶化後開始溝淡，飲品很大杯。Oreo奶昔有濃郁的oreo味道，外觀精緻吸引，奶味十足，不會太多碎冰。總結，飲品款式多，質素不錯，座位舒適，最主要是價錢便宜。