釜之魂釜飯專門店 (淘大商場) (Closed)

其實釜飯都吾係好多人知係咩，淨係知係日本野食，所以我今次就要去睇下同試下傳說中既釜飯。入到餐廳後，見到好多人都係食鰻魚，而個賣相仲好吸引添。我地睇完餐牌，見到原來鰻魚都分好多種，分別係金魂同銀魂，仲有鰻魚既吾同部位，每個部位都係食緊吾同既口感。我地叫咗一個金魂既極，姐係油份最高。金魂姐係有落鰻魚燒汁咁燒，所以會係比較入味。而極既意思係鰻魚身。鰻魚油份最高會令到鰻魚味更濃，食落去好reach既感覺。而我地發現釜飯既重點其實係個鐵碗。因為鐵係好易傳熱，所以個底既飯會有少少飯焦。我地仲叫咗銀魂既特，係最焦香。銀魂係無用鰻魚汁咁燒，只係落咗少少調味，所以就會食到鰻魚既原汁原味。特其實就姐係魚尾，因為魚尾會少肉同埋油份，所以燒完就會好香脆。特別推介個吉列牛舌，依個好特別，而係吉列下，啲牛舌都好淋。