柏景餐廳 (Closed)

相隔十年，見到某平台有依間自助餐，折後成人晚餐350一個，見咁抵就去試下，去到環境好大，座位都闊唔會話好逼，個晚入座大約4成到，所以冇爭野食排隊情況出現。講下食物先，食物方面，涷海鮮淨係食左蟹腳，唔會太咸，幾好食，另外燒龍蝦好食，佢啲燒蟹腳其實都係係涷盤個到拎黎燒熱食方面，選擇唔多，其中個日式炆牛尾，啲牛尾大舊到成舊豬骨咁，叫啲想試下小小既人點拎。有樣野想講既係，之前睇佢晚餐menu,係寫住有錫紙燒鵝肝同錫紙燒帶子，但去到完全唔見有，問師父有冇鵝肝，佢直頭答話冇，轉左promotion,即係依個主題唔會有錫紙燒鵝肝，感覺有啲呃人。甜品方面可以話唔得，得個樣，食落就。。。依間餐廳如無意外冇下一次了