Thre3 Concept

Open Now

Now Closed

聽聞屯門藍地有間隱士小店，一於星期六去試下。從藍地輕鐵站要行一段路，交通有啲轉折，但食完之後覺得完全值得！我哋一行三人有細路，店員好好，將原本放外賣嘅枱清俾我哋坐，否則等半個鐘都幾係嘢。餐牌說明好多食物都要等15至20分鐘，不過實際上唔使等咁耐，都好快上。至尊pizza（$92）芝士味好濃，鐘意食芝士嘅啱晒，pizza邊勁脆，好有層次感，好好味。Thre3芝牛堡（$88）漢堡好juicy，好嫩，一路食肉汁一路流出來，食得都幾論盡，但非常好味。明太子忌廉天使麵（$72）比想像中失色，太乾身，亦都冇乜味，食咗一陣，溫度低咗，天使麵開始變硬，黏埋一齊，多啲汁會好味啲。小食拼盤有雞翼、辣味腸、洋蔥圈、薯角，好脆，好香口，不過都好熱氣，我哋三個人食唔晒。飲品（$30，加狗狗$58）咖啡或朱古力可以加狗狗棉花糖，打卡一流，朱古力$30，加狗狗$58，有啲貴，不過好得意，有細路可以一試，一定鐘意。