Ocio オシオ (Closed)

鑽石山呢個西餐沙漠終於開多左西餐廳，但今次主要黎係食甜品，之前係旺角分店都試過佢地d甜品。🇯🇵鑽石山分店裝修好日系，店面係全白色設計，店內牆上畫左好多可愛嘅公仔。🍵焗鑊仔綠茶班戟心太軟 $89呢個好特別，一篤落班戟到，就有超級流心效果。綠茶味香濃，甜同苦度適中。雪糕同班戟中間夾左塊餅乾，增加口感。🥞鑊仔草莓雪山熱香餅 $78呢個係超厚版熱香餅，有兩層，非常Ig-able。熱香餅好鬆軟，好似食緊蛋糕咁，用鑊仔上碟可以保持熱香餅溫度。熱香餅吸晒底層士多啤梨醬，甜甜的好滿足。🧇朱古力布朗尼窩夫 $68份量超大的，窩夫厚厚，布朗尼朱古力果好香濃。配上朱古力雪糕，完美冷熱交融嘅效果。建議+$8多要一球雪糕，咁先可以一路都點到雪糕。