圓鐵板燒 (Closed)

夜晚放工，又到左同另一半食晚飯嘅時間。。經佢提議之下，黎左近近地嘅新世紀廣場！鐵板燒一下晚上9點半時間可能開始夜，餐廳開始少人！完全唔使等位就入到去了！ 一坐低，唔知以為去咗士林夜市！食鐵板燒最大嘅樂趣就係可以一邊食一邊睇住廚師為你炮製各式各樣嘅食物！呢種feel真係好正。。仲可以熱辣辣食到自己點嘅菜式。我地分別點左兩個餐，因為反正都係share食，所以樣樣點啲！合共有牛柳，小凡貝，青魚，鵝肝。。全部都係大家鍾意食嘅嘢！ 今日嘅配菜有綠油油嘅油麥菜。。經過鐵板炒炒炒！再加上蒜蓉。超級香口好食。 呢度嘅芝麻飯亦係我嘅至愛。。軟綿綿得來帶少少糯米嘅軟糯口感。 再嚟多個番茄蛋花湯酸酸地，夠晒開胃！ 牛柳炒得啱啱好唔會太熟，咬落有肉汁！ 青魚外脆內軟！連皮連骨通通青晒！ 鵝肝送飯，都算係第一次！油香嘅味道。。超級送飯之選！小凡立貝由於細細粒嘅關係，所以特別入味，正！以埋單每人只係＄128嘅價錢,喺旺角區享用台式鐵板燒。。新鮮熱辣，絕對超值。。所以難怪平時咁多人等位個個都爭住食！