Video
Read full review
2020-07-11
2671 views
嚟龍門食晚餐，最緊要左望右望，因為好多正嘢係正常餐牌外，貼左係牆上面、隔離板上面...好似我哋咁，order完餐牌內嘅食物之後，先見到枱上面另一張餐牌，平dd，一個餐有齊我想食嘅嘢😬另外原本想飲特色咖啡，好似mocha or cappuccino，但貴咗d唔捨得，原來跟餐加$3就飲到，同加錢轉凍飲一樣😓大家記得𥄫清楚丫🤣言歸正傳，龍門嘅嘢食真係得，全部都好食，我哋一入門就見幾枱人食雞翼，於是就咩都嗌d嚟share食～紐西蘭羊架拼香草腸 $110鐵板上，熱辣辣得嚟，好大份，視覺好滿足，兩件羊扒分量十足，肉質軟腍，不帶膻味，正！另外香草腸於咀嚼時肉汁四溢，濃濃的香草味充斥口腔，而且大大條，餐廳真係好大方。香蒜牛油帶子意粉 $80好想食意粉，大家商量好就叫呢個～牛油味重，好creamy，配意粉一流！鮮帶子，唔係細細粒，讚👍🏻係出面貴價餐廳水準，但成個意粉餐只係$80，超值啦⋯⋯個餐仲有兒時味道嘅沙律、餐湯、飲品....一個女仔食係too much~~蜜糖雞翼 $45見咁多人食，我哋都叫番碟，估唔到有6隻咁多，雞翼外層沾滿蜜糖，炸完香脆，美味可口。黑松露薯條 $45其他貪食佢個黑松露醬，呢度標
嚟龍門食晚餐，最緊要左望右望，因為好多正嘢係正常餐牌外，貼左係牆上面、隔離板上面...
好似我哋咁，order完餐牌內嘅食物之後，先見到枱上面另一張餐牌，平dd，一個餐有齊我想食嘅嘢😬
另外原本想飲特色咖啡，好似mocha or cappuccino，但貴咗d唔捨得，原來跟餐加$3就飲到，同加錢轉凍飲一樣😓大家記得𥄫清楚丫🤣
言歸正傳，龍門嘅嘢食真係得，全部都好食，我哋一入門就見幾枱人食雞翼，於是就咩都嗌d嚟share食～
紐西蘭羊架拼香草腸 $110
鐵板上，熱辣辣得嚟，好大份，視覺好滿足，兩件羊扒分量十足，肉質軟腍，不帶膻味，正！另外香草腸於咀嚼時肉汁四溢，濃濃的香草味充斥口腔，而且大大條，餐廳真係好大方。
香蒜牛油帶子意粉 $80
好想食意粉，大家商量好就叫呢個～牛油味重，好creamy，配意粉一流！鮮帶子，唔係細細粒，讚👍🏻係出面貴價餐廳水準，但成個意粉餐只係$80，超值啦⋯⋯個餐仲有兒時味道嘅沙律、餐湯、飲品....一個女仔食係too much~~
蜜糖雞翼 $45
見咁多人食，我哋都叫番碟，估唔到有6隻咁多，雞翼外層沾滿蜜糖，炸完香脆，美味可口。
黑松露薯條 $45
其他貪食佢個黑松露醬，呢度標榜醬汁自家製，呢個醬好食，滿滿黑松露香氣，用嚟點薯條真係perfect match😋原本以為得一杯份量嘅薯條，但原來係一大碟，有驚喜！
好少可餐廳有龍鳳檸樂揀，原來青檸檬冰底，原罐可樂另上；兩種檸檬的精華與可樂恰恰融合，感覺清新，消暑佳品。
唔好睇小茶餐廳食晚餐，呢餐超正，嘢食掂，又唔會比人趕，依家有塊膠牌隔住，好似多啲privacy，推薦比大家😊
Post
