道頓堀御好燒專門店 (希慎廣場) (Closed)

行到去food court 樓層，見到有御好燒，就入去挑戰下自己。叫咗個豪華二人套餐，都包咗好多野食，沙律，御好燒，海鮮燒肉拼盤等，全部都要自己 DIY。- 道頓堀雜錦御好燒最期待既菜式，材料已經調好曬，可以跟製作教學去整。其實都係用計時器計時，夠鐘就反一反，最後就加啲醬油。出黎既賣相，味道都唔錯，又好玩。- 黑椒芝士雞肉炒飯依個要靠自己，冇教學，不過都係見熟就加野落去，撈一撈。鐡板炒飯，望落真係好勁。- 海鮮拼盤 (蝦，帶子，魷魚)份量比較少，煎完都好爽口。- 雜錦燒肉拼盤 (牛皮腱，雞肉，1cm厚切加拿大豬腩肉)全部肉已經調咗味，主要都係黑椒，而且係冇其他醬料，比較失望。其實，都係滿足 DIY 願望，有得玩，有得食，已經好開心。不過，員工比較少，有時唔肯定點做，就揾唔到人問或都幫手，同埋冇其他醬料提供。